Simin Səbri İranda türk qadınların məsələlərini öz dillərində anlatmağa çalışırıq
Amerikan səsiylə müsahibə
“Türk Qadını” saytı iki ildən artıqdır feminizm, bərabər hüquqlar və İranda qadınların üzləşdiyi ayrı-seçkiliklər və problemlər üzrə fəaliyyət edir.
Saytın baş redaktoru Simin Səbri Amerikanın Səsinə müsahibədə deyir ki, bizim əsas hədəflərimizdən biri “İranda yaşayan türk qadınlar üçün onların məsələləri ilə əlaqədar və onların dilində materiallar hazırlamaqdır.”
“Biz daha əvvəl feminist ədəbiyyatın yayılmısının vacibliyindən bəhs etmişdik. Sonra bir neçə qadın fəalla bunu düşündük ki, indi bu feminist ədəbiyyat yarandı, bu harada yayılmalı və oxuculara ya dinləyicilərə necə çatdırılmalıdır? Bu saytın fikri oradan gəldi,” Simin Səbri söyləyir.
Türk Qadını saytında türk, fars və ingilis dillərində qadın məsələsi və bərabər hüquqlar üzrə xəbərlər, məqalələr və videolar yerləşdirilir. Saytın əməkdaşları eləcə də Clubhouse sosial şəbəkəsində seminarlar və söhbət otaqları təşkil edirlər.
Simin Səbri deyir, “saytda müxtəlif sahələrdə xəbərlər dərc edirik. Amma bizim əsas hədəfimiz məzmun yaratmaqdır. Biz Türk Qadın Mərkəzi olaraq, öz baxdığımız bucaqdan hadisələri əks etdirməyə çalışırıq. Düşündüyümüz və önəmli mövzular haqqında video şəklində bir şeylər yaradırıq. Məsələn uşaq evliliyi və onun zərərləri, ya ölkədə olan psixi sağlamlıq problemlərin artması və bunun qadınlar üzərindəki təsiri. Bizim işimizin ana bölümü bu videolardır. Biz düşündük ki, bizim hədəf kütləmiz türk qadınlarıdırsa, onların və övladlarının məsələlərini mütləq türkcə dinləməlidirlər.”
O əlavə edir, “bu məzmunları iki səbəbə görə, türkcə yayırıq. Birincisi bu ki, həqiqətən də ölkənin ucqar yerlərdində və uzaq kəndlərdə qadınlar farsca bilmir. Amma, indi hamnın əlində mobil telefonlar var. Açıb dinləyəndə anlayırlar. İkinci məsələ, dillərə sayğı məsələsidir. Yəni, hər bir etnik icmadan, hər bir millətdən ki gəlirlər bu qüruu yaşamalıdırlar. Bilməlidirlər ki, onların öz dilində feminist ədəbiyyat, elmi mübahisələr, ictimai və siyasi mübahisələr gedə bilər. Bilsinlər ki, bu mümkündür və bunu yavaş-yavaş məşq edə bilərlər.”
.سیمین صبری: ایران‌دا تورک قادینلارین مسئله‌لرینی اؤز دیللرینده آنلاتماغا چالیشیریق
.تورک قادینی سایتی ایکی ایلدن آرتیق‌دیر فئمینیزیم، برابر حقوقلار و ایران‌دا قادینلارین اوزلشدیگی آیری سئچگیلر و پروبلملر اوزره فعالیت ائدیر.
سایتین باش رئداکتورو ” سیمین صبری” آمئریکانین سسینه مصاحیبه‌ده دئییرکی، بیزیم اساس هدفلریمیزدن بیری ” ایران‌دا یاشایان تورک قادینلار اوچون اونلارین مسئله‌لری ایله علاقه‌دار و اونلارین دیلینده ماتریاللار .حاضیرلاماق‌دیر
“بیز داها اول فئمینیست ادبیاتی‌نین یاییلماسی‌نین واجیبلیگیندن بحث ائتمیشدیک. سونرا بیر نئچه قادین فعال‌‌ایله بونو دوشوندوک کی، ایندی بو فئمینیست ادبیات یاراندی، بو هاردا یاییلمالی و اوخوجولارا و یا دینله‌ییجیلره نئجه چاتدیریلمالیدیر؟ بو سایتین فیکری اوردان گلدی”. سیمین صبری سؤیله‌ییر.
تورک قادین سایتین‌دا تورک، فارس و اینگیلیز دیللرینده قادین مسئله‌لری و برابر حقوقلار اوزره خبرلر، مقاله‌لر و ویدئولار یئرلشدیریلیر. سایتین امکداشلاری ائلجه‌ده کلاب هاوس سوسیال شبکه‌سینده سمینارلار و صحبت اتاقلاری تشکیل ائدیرلر.
سیمین صبری دئییر: ” سایتدا مختلیف ساحه لرده خبرلر درج ائدیریک. اما بیزیم اساس هدفیمیز مضمون یارادماق‌دیر. بیز تورک قادین مرکزی اولاراق، اؤز باخدیغیمیز بوجاقدان حادیثه‌لری عکس ائتدیرمگه چالیشیریق. دوشوندوگوموز و اؤنملی موضوعلار حاققیندا ویدئو شکلینده بیر شئیلر یارادیریق . مثلاً اوشاق ائولیلیگی و اونون ضررلری، یا اولکه‌ده اولان پیسیخی ساغلاملیق پروبلم‌لرین آرتماسی و بونون قادینلار اوزرینده‌کی تاثیری. بیزیم ایشیمیزین آنا بؤلومو بو ویدئولاردیر. بیز دوشوندوک کی، بیزیم هدف کوتله‌میز تورک قادینلاریدیرسا، اونلارین و اؤولادلارینین مسئله‌لرینی مطلق ترکجه دینلمه‌لیدیرلر”.
او علاوه ائدیر، “بو مضمونلاری ایکی سببه گؤره، تورکجه یاییریق. بیرینجیسی بو کی، حقیقتاً ده اؤلکه‌نین اوجقار یئرلرینده و اوزاق کندلرده قادینلار فارسجا بیلمیر. آمما ایندی هامینین الینده موبایل تلفن‌لار وار. آچیب دینلینده آنلاییرلار. ایکینجی مسئله دیللره سایغی مسئله‌سیدیر. یعنی هر بیر ائتنیک عیجمادان، هر بیر میللت‌دن کی گلیرلر بو غرورو یاشامالی‌دیرلار. بیلملی‌دیرلر کی، اونلارین اؤز دیلینده فئمینیست ادبیات، علمی .مباحیثه‌لر، ایجتماعی و سیاسی مباحیثه‌لر گئده بیلر. بیلسینلر کی، بو مومکون‌دور و بونو یاواش یاواش مشق ایده بیلرلر
