Müğənni qadın və mentalitet Azərbaycanlı Melayın çətin səhnə yolu

Human Development Report hesabatına əsasən, Azərbaycan qadınların cəmiyyətdə bərabərhüquqlu fəaliyyət göstəricilərinə görə dünyanın 162 ölkəsi arasında 73-cü yeri tutur. Bu, yalnız statistika deyil və həmin rəqəmlərin altında real insanların taleyi yatır. Azərbaycanlı müğənni Melayın taleyi də bu baxımdan istisna deyil. Melay deyir ki, valideynlərinin israr etdiklərinə görə, öz arzusunun əleyhinə gedərək, tamamilə sevmədiyi ixtisasa yiyələnib. Lakin bütün bunlar onun musiqiyə olan həvəsini öldürə bilməyib.
Öz taleyi uğrunda mübarizə aparan qız valideynlərinə və yaxınlarına izah edə bilib ki, heç kəs həyatını başqasının fikirlərinə görə yaşamaq məcburiyyətində deyil.