!شریفه جعفری, سن قورخولو دئیلسن کرونا
سن قورخولو دئیلسن کرونا
قالدیردین سرحدلری،
تبعیض لری’
سنی قوخویور بوتون انسانلارین بئین لری
یئر کوره سینین دورود بیر یئرینده
هامی عینی یئردن دیسکینیر
آغی-قاراسی. زنگینی-یوخسولو
قارینلاری قورولداییر قوم داکی آیت الله لارین ،
باتیریر ایمان لارینی.
خوشوما گئدیر بو عدالتین ده آچیقجاسی
الیمده اولسایدی اودوللندیرردیم سنی،
حتی انصاف قانون لاریندا یازدیراردیم آدینی
بیلمم هاردان دوغولدوغونو
سیاست لابورلاریندان ،
یوخسا عیلیم کورتاژلاریندان می ؟
قورخولو دئیلسن منجه
اولوم حاق دیر، واردیر دا، هر کسین قدرینده.
ان قورخولو ویروسلار افتراجی و مین اوزلو انسانلاردیرلار
فاحیشه ارکک لر
شیطان صفت لی قادینلاردیر.
سن قورخولو دئیلسن کرونا
گلیب سن گئده جک سن
قورخولو بونلاردیر.
