زینب سلیمانی یه لبنان وطنداشلیغی وئریله جک
عرب مئدیاسی‌نین وئردیگی بیلگیلره گؤره، لبنان جمهورباشقانی میشل عون اینقیلاب کئشیکچیلری‌نین قودس قوه‌لری‌نین اؤلدورولن کوماندیری قاسم سلیمانی‌نین قیزی زینب سلیمانی‌یه بو اؤلکه وطنداشلیغی‌نین وئریلمه‌سی باره‌ده امر وئریب.
زینب سلیمانی لبنان حیزبوللاهی‌نین ایکینجی آدامی هاشم صفی‌الدینین اوغلو رضا هاشم صفی‌الدینین حیات یولداشیدیر.
بو خبرین یاییلماسی سوسیال شبکه قوللانیجیلاری‌نین تپکیسی ایله قارشیلانیب. بعضی قوللانیجیلار بیلدیریبلر کی، عادتاً اؤلکه‌لر اؤز وطنداشلیغینی چوخلو اؤلکه‌لرده تررویست اولاراق تانینان شخصین قیزینا دئییل، عالیملره، صنعتچیلره، ضیالیلارا وئریرلر.
اسرائیل اوردوسو بو ایلین اردیبهشت آییندا زینب سلیمانی‌نین حیات یولداشی رضا صفی‌الدینین ایراندان حیزبوللاها سلاح اؤتورولمه‌سیندن یئتکیلی اولدوغونو و بو مقصدله ایرانا سفرلرینی آرتیردیغینی آچیقلامیشدی.
اسرائیل اوردوسونون وئردیگی بیلگیلره گؤره، رضا صفی‌الدین سلاحلارین اؤتورولمه‌سی اوچون حربی اولمایان اوچوشلاردان ایستیفاده ائدیر.
#ایران_خبرلری #زینب_سلیمانی
