باتی آزربایجان: مهابادداکی قوماش دوکانی آچیلیشینا قاتیلان دؤرد قادین توتولدو
مهابادین عومومی و اینقیلاب ساوجیسی، “ایسلامی حجابی رعایت ائتمه‌دن” بیر قوماش دوکانی آچیلیش مراسیمیندن سونرا بئش نفرین توتولدوغونو اعلان ائتدی.
دونن سوسیال مئدیادا مراسیمین ویدئوسو یاییلمیشدی کی، اورایا بیر چوخ قادین مدل بالو (مجلیسی) پالتاری ایله قاتیلمیشدیلار.
مهاباد ساوجیسی مهراب پوراکبر، توتولانلار آراسیندا دوکان صاحبی و آچیلیشا مدل اولاراق قاتیلانلارین دا اولدوغونو سؤیله‌دی.
“عرف و اخلاقین” رعایت ائدیلمه‌مه‌سی، قئیری عادی تبلیغات‌دان ایستیفاده ائدیلمه‌سی و عینی زاماندا قادینلارین “دینی نورمالاری” رعایت ائتمه‌دن ایشتیراکی بو بیرلیگین آچیلیش مراسیمی‌نین تشکیلاتچیلاری‌نین اساس اتهاملاریدیر.
دونن، باتی آذربایجان محکمه‌‌سی‌نین خالق ایله ایلیشگیلر اوزره یئتکیلیسی اکبر تایوغ، ساوجیلیغین “قطعیتله” مسئله‌‌یه گیریش ائده‌جه‌یینی و بو دوکانین باغلاناجاغینی اعلان ائتدی.
توتولمالارین اعلان ائدیلمه‌سی سوسیال مئدیا قوللانیجیلاری‌نین منفی تپکیسی ایله قارشیلاندی و چوخلاری بونو ایراندا سوسیال آزادلیقلارین گئنیش یاییلمیش باسدیریلماسی‌نین علامتی آدلاندیردیلار.
iranwire
