قاسم سلیمانی‌نین قیزی شهر شوراسی سئچکیلرینه آدای اولدو
تهران بیلیم‌یوردونون فوتوقرافجیلیق اؤیرنجیسی و اؤیرنجی صینفی فعالی پریسا رفیعی، حبس مدتی بیتدیکدن سونرا اوین حبس‌خاناسیندان سربست بوراخیلدی. رفیعی، ۱۷ تیر ۱۳۹۹-دا اوین محکمه‌‌سی‌نین محکمه ایجرا بیرلیگینه چاغیریلدیقدان سونرا بو حبس‌خانانین قادینلار بندینده حبس ائدیلمیشدی.
پریسا رفیعی‌نین قوهومو “صفیه قره‌باغی”، بو اؤیرنجی فعالین سربست بوراخیلماسی خبرینی ۱۸ خرداد ۱۴۰۰ چارشنبه آخشامی گونو اینستاگرام صفحه‌سینده اعلان ائده‌رک یازدی: “زنجانلی وطنداش و تهران بیلیم‌یوردونون اؤیرنجی صینفی فعالی پریسا رفیعی، ایسلام جزا قانونونون ۱۳۴-جو ماده‌‌سی و پرونده‌لرین بیرلشمه‌سینه اساساً بیر ایل حبسدن سونرا سربست بوراخیلدی.”
رفیعی، ۶ اسفند ۱۳۹۶-جی ایلده تهران بیلیم‌یوردوندا توتولدو و محکمه سورجینه قدر ۲۸ اسفند تاریخینده گیروو قارشیلیغیندا سربست بوراخیلدی.
تهران اینقیلاب محکمه‌‌سی‌نین ۲۶ سایلی شؤبه‌سی ۱۳۹۷-جی ایلین شهریور آییندا بو اؤیرنجی فعالی “اؤلکه‌نین گوونلیگینه قارشی توپلاشماق و گیزلی ال بیر اولماق “، “رژیمه قارشی تبلیغات” و “توپلومسا دوزه‌نی پوزماق” اولاراق اوچ اتهاملا ۷ ایل حبس جزاسینا محکوم ائتدی.
محکمه علاوه جزا اولاراق اونو ۷۴ شاللاق و اؤلکه‌دن چیخما قاداغانی و سیاسی قروپلارا عضو اولماقدان محروم اولما جزاسینا دا محکوم ائتدی. بو حؤکم ۱۳۹۸-جی ایلین آذر آییندا محکوملارا عفو باغلامیندا عفو ائدیلدی و بیر ایل حبس جزاسینا ائندیریلدی.
۱۳۹۹-جو ایلین مرداد آییندا بو اؤیرنجی فعال، اوین ساوجیلیغی‌نین ۲ سایلی شؤبه‌سی طرفیندن تجرید‌خانانین شرطلرینه ایشیق توتدوغونا و قادین مدنی فعاللارا قارشی باکیره‌لیک تستی آپاریلدیغی کیمی ایکی‌قات تضییقلره معروض قالمالاریندان سؤز ائتدیگینه گؤره “رژیمه قارشی تبلیغات فعالیتی” ایله گوناهلاندیریلدی و سونوجدا بو اتهاملا ۱۵ آی حبس جزاسینا محکوم ائدیلدی.
iranwire
