ذکیه ذولفقاری ; مستوره افشار

باتی آذربایجانین جیلولوق فاجعه‌سی‌نین خیلاصکاری و ایسلام بیرلیگینده آذربایجانین والیسی، اوروملوسردار، مجدالسلطنه‌نین قیزی مستوره افشار 1259- دا آنادان اولدو. آناسی، آذربایجانین گؤرکملی والیسی، ایمامقلی میرزا ملک قاسمی عائله سیندندیر. مستوره افشارخانم، قادینلارین طبیعی حاقلارین ألده ائتمک مبارزه سینده ایلک جیدیی چالیشانلارداندیر. مستوره خانیم چوخ هوشلو اولوب و همن اوشاق چاغلاریندان آنا دیلی آذربایجان تورکجه سیندن علاوه ، فرانسه، روس، انگلیس و فارس دیللرینده اؤرگشیبدیر. یئنی یئتمه و جوانلیق چاغلارین تفلیس و استانبولدا کئچیریب ، چوخلو تجربه لرله وطنه قایدیب، کولتور وسوسیال فعالیتلره باشلاییر. او “محترم اسکندری ” خانیمین یاردیمیلا 1301- جی ایلده “جمعیت نسوان وطنخواه” ( وطن سئور قادینلارجمعیتی) نی قورور، و 1303ش. جی ایلده – مستوره افشار خانیم اوجمعیته رئیس سئچیلیر. بو توپلومون هدفلری: قیزلارین تعلیمی، ملی صنعتین انکشافی، یاشلی قادینلارین تعلیمی، گلیری اولمایان قادینلاردان حمایه، کاسیب قادینلارا خسته خانا دوزلتمک و گئنلده قادینلارین حاقلارین أله گتیرمگیدیر.

مستوره خانم افشار، قادینلارین دورومونون دوزلمسینه، ایلک آتدیم قانونلارین اصلاح اولونماسینی بیلیردی. “جمعیت نسوان وطن خواه”ین درگیلریلری‌نین سایلارینی‌نین بیرینده، جمعیت طرفیندن، مجلسین عالی مقامینا خطاب، عملی اؤنرلرین یازیر . مستوره خانیم اونلارجا مقاله، قادین حاقلاری قونوسوندا یازماق و جیددی دانیشماقلاریلا یاناشی، ایران تاریخینده ایلک اولاراق دوغو قادینلارین کنگره‌سینی تهراندا، اؤز ائوینده تشکیل وئریب و چوخلواوغور قازانیبدیر. بین‌الخالق دوغو قادینلاری نین ایکینجی کنگره سی، 1311- آذرآیی تهراندا کئچیریلدی و نئچه اولکه، او جمله: تورکیه ،سوریه، لبنان، مصر، تونس، عراق ،هندوستان و باشقا اؤلکه لردن قادین نماینده لری تهرانا گلدیلر. بو آرادا مستوره خانم “جمعیت نسوان وطن خواهین” رئیسی اولاراق بو کنگره ده چوخ ماراقلا حضورو اولوب، اونلارا اؤنری وئریر: کنگره نین بیرینجی جلسه سه‌سی، هدفلر و حاشیه لری سورقولاماغا گؤره، اونون ائوینده تشکیل تاپسین. همن بو جلسه لرده اکثریتین اویویلا ریاست هئیتی سئچیلیر. قادین گنگره‌سی‌نین ریاست هئیتی بولاردان عبارتیدیر: مستوره افشار، صدیقه دولت آبادی، فخرعادل خلعتبری، نورالهدی منگنه، شازدا ملوک خانم اسکندری، عفت‌الملوک خواجه نوری ،فخرآفاق پارسا و اون بیر نفر باشقا قادینلار. تاسفله او زاماندا جمعیت نسوانین، مدنی چالیشمالاری رضا شاهین استبدادی روحیاتیلا اویغون دئیلدی. و 1312-جی ایلده ده، 195 رسمی اویه‌یله رضا خانین امریله داغیلیر. مستوره خانم افشار، جمعیتین رئیسی اولان زاماندا، قادینلارین گئجه لر تعلیم کیلاسلاریندا داواملی فعالیت ائدیردی. او عؤمرونون آخیرلرینده تهراندا یتیم اوشاقلارین نظارتچی‌سی اولموشدو. او بوتون عؤمرونو قادین حاقلاری یولوندا چالیشماقدان سونرا نهایت 1325-جی ایلده 65- یاشیندا آللاهین رحمتینه قاوشدو. روحوشاد، یولو داواملی اولسون.