روشنک مولایی قامچیلاندیقدان سونرا حبسدن سربست بوراخیلیب
.
“ایران قادین مرکزی”نین قوللانیجی حسابی اعلان ائدیب کی، موتورسیکلئت سورن عسکرین اونا هوجوم ائتدیگینی عکس ائتدیرن ویدئونو یاییملایان و بو سببدن حبس اولونان “روشنک مولایی” آدلی قادین چارشنبه گونو ۷ آذرده ورامینین قرچک حبس‌خاناسیندان سزبست بوراخیلیب.
بو خبره گؤره، روشنک مولایی عالیشاه اچون آنلاین محکمه کئچیریلیب و حاکم اونا قامچیلاما جزاسی وئریب و ۷ آذرده حؤکمون ایجراسیندان سونرا او، “محبوس یولداشلارینا دئییب کی، منی قامچیلاذیلار و سربست قالاجاغیم.”
ایران قادین مرکزی یازیب کی، روشنک مولایی‌نین قامچی جزاسی‌نین نه قدر اولدوغونون و اونون نئجه حیاتا کئچیریلدیگی بللی دئییل.
تبریزلی اولان و تهران‌دا یاشایان ۲۸ یاشلی روشنک مولایی ۱۰ آبان‌دا سوسیال شبکه‌لرینده اونون کوچه‌ده مجبوری حجابسیز اولدوغونو و اونو تعجیز ائدن موتورسیکلئت سوروجوسو ایله دؤیوشدویونو عکس ائتدیرن ویدئو یاییملادی.
بو ویدئونون یاییملانماسیندان سونرا روشنک مولایی عالیشاه ۱۱ آبان جوما گونو ۱۲ آبان شنبه گونو سحر ساعتلاریندا تهران‌دا گوونلیک و اطلاعات امکداشلاری‌نین آخینی ایله ائوینده توتولاراق ساعتلارلا سورغو-سؤال ائدیلدی.
۲۹ آبان‌دا ایران قادینلار مرکزی‌نین سایتی یازیب: “چارشنبه آخشامی، ۲۹ آبان گونو روشنک مولایی‌نین محکمه‌‌سی اونلاین کئچیریلدی و روشنک ورامینین قرچک آدلی قادین حبس‌خاناسیندان ویدئو کونفرانس واسطه‌‌‌سیله محکمه ایجلاسیندا ایشتیراک ائتدی.”
محکمه ایله باغلی داها آیرینتیلی بیلگی وئریلمسه ده، بؤیوک تهران پولیس کوماندانلیغی داها اؤنجه بیر اعلاندا “قادینلاری ناراحات ائتمک” مؤوضوسوندا پرونده آچیلدیغینی و محکمه اورقانلارینا گؤندریلدیگینی بیلدیرمیشدی.
خانیم روشنک مولایی ۱۴۰۱-جی ایلده عومومی اعتراضلار زامانی ایران ایسلام جمهورییتی‌نین گوونلیک گوجلری طرفیندن حبس ائدیله‌رک زیندانا سالینیب.
#مجبوری_حجاب #روشنک_مولایی
