سياسي محبوس شكيلا منفرد عائله سی ایله ایرتیباط قورماق حاقیندان محروم ائدیلیب
سیاسی محبوس شکیلا منفرد ۲۰ گوندور اوین حبس‌خاناسیندا عائلهسی و وکیلی ایله ایله‌تیشیم قورماق حوقوقوندان محروم ائدیلیب. او بو یاخینلاردا ایسه ۵ هفته گؤروشدن محروم ائدیلیب.
اوین حبس‌خاناسیندا جزا چکن سیاسی محبوس شکیلا منفرد بو ایل ۷ مهردن بو یانا عائلهسی و وکیلی ایله تلفون زنگی حوقوقوندان محروم ائدیلیب. آیریجا، بیر نئچه گون اؤنجه اونون عائلهسی و وکیلی ایله شخصاً گؤروشمه‌سینه ۵ هفته قاداغا قویولوب.
بو سیاسی محبوس ۱۳۹۹-جو ایلده مجبوری حجابا قارشی چیخدیغینا گؤره بیر پرونده اوزره تهران اینقیلاب محکمه‌‌سی‌نین ۲۶-جی شؤبه‌سی طرفیندن “سیستمه قارشی تبلیغات فعالیتی و ایسلامین موقدسلیکلرینی تحقیر ائتمک” اتهامی ایله دؤرد ایل ایکی آی حبس جزاسینا محکوم ائدیلیب.
۱۴۰۰-جو ایلین دی آییندا خانیم منفرد “رژیمه موخالیف قروپلارا عضو اولماق” اتهامی ایله ایکی ایل سککیز آی حبس و “یالان یایماق” اتهامی ایله ۱۰ میلیون تومن جزایا محکوم ائدیلدی.
آیریجا بو ایلین فروردین آییندا حبسده اولارکن اونا قارشی آچیلمیش پرونده‌یه گؤره، تهران ایالتی‌نین تئمییز محکمه‌‌سی‌نین ۳۶-جی شؤبه‌سی اونا ۱۲ آی حبس، ایکی ایل سورگون و اک جزالار وئریب.
شکیلا منفرد ۱۳۷۲-جی ایلده آنادان اولوب و تهران‌دا یاشایان وطنداشدیر و مجبوری حجابا قارشی فعال اولوب. او، حبس‌خانادا جزا چکدیگی ایللر ایچینده چوخ‌سایلی گوونلیگ اورقانلاری‌نین ساختا پرونده یاراتماسینا معروض قالیب و ۱۱ ایل حبسه جزاسینا محکوم ائدیلیب کی، بونون دا تخمیناً ۴ ایلینی حبسده کئچیریب.
#محبوسلار #شکیلا_منفرد
