تبريزلی اعتراضچی قادین مریم بایرامیان ایکی ایل حبسه محکوم ائدیلیب
مریم بایرامیان ۱۴۰۲-جی ایلین خرداد آییندا گوونلیک گوجلری طرفیندن حبس اولوندوقدان بیر ایل سونرا هله ده تبریز حبس‌خاناسیندا حبسده‌دیر.
آذربایجانلی حوقوقچو قاسم بعدی بیر توییت یاییملایاراق خانیم بایرامیانین ایکی ایل حبسه محکوم ائدیلدیگینی آچیقلاییب.
خانیم بایرامیان ۴۵ یاشیندا و ۲ اوشاق آناسی و بیر عائله باخیر. او ۱۸ خرداد ۱۴۰۲-ده ابراهیم رئیسی‌نین تبریزده چیخیشی زامانی رئیسی‌نین چیخیشینا اعتراض ائدرکن حبس اولوندو.
اعتراض ائدن بو تورک وطنداشینا قارشی رژیمی تحقیر ائتمک و میلی گوونلیگه قارشی حرکت ائتمک اتهامی ایره‌لی سورولوب و تبریز اینقیلاب محکمه‌‌سی طرفیندن ۲ ایل مدتینه آزادلیقدان محروم ائدیلیب.
بایرامیان ۱۸ خرداد ۱۴۰۲-دن ایندییه‌دک بیر ایلدن چوخ تبریز حبس‌خاناسیندادیر.
#آذربایجان_خبرلری #مریم_بایرامیان
