فرنگیس فتحی و اکرم کوخیان ملیکان شهرینده حبس ائدیلیب

آلمانییادا یاشایان تورک مدنی فعال مهدی کوخیانین آناسی و باجیسی فرنگیس فتحی و اکرم کوخیان ۲۳ اردیبهشت ۱۴۰۳-ده دوغو آذربایجانین ملیکان شهرینده گوونلیک گوجلری طرفیندن حبس ائدیلیب.

خاریجده یاشایان بو آذربایجانلی فعال شخصی اینستاگرام صفحه‌‌‌سینده یازیب: “بو گون ملیکان شهرینده آنامین ائوینه ایکی دفعه‌‌ باسقین ائدیلیب. ایلک دفعه‌‌ ۵ مامور ائوه گیریب و الکترون آوادانلیقلاری گؤتوره‌رک باجیم و آنامین اوزرینه بیبر گازی آتیبلار. ایکینجی دفعه‌‌ ایسه ۲۵ گوونلیک گوجو وحشیجه‌سینه ائوین قاپیسینی سیندیراراق آنامی و باجیمی حبس ائده‌رک بلیرسیز یئره آپاریبلار”.

جناب کوخیان آیریجا بیلدیریب کی، قارداشی‌نین اتومبیلی و سندلری گوونلیک اورقانلاری طرفیندن اله کئچیریلیب.

سون ایللرده گوونلیک قوروملاری خاریجده‌کی اینسانلارا تضییق واسطه‌‌‌سی کیمی سیاسی فعاللارین قوهوملارینی هده‌له‌ییر، بعضی تکلیفلر وئریر و حبس ائدیر و اونلارین فعالیتینه نظارت ائتمه‌یه چالیشیر.
#آذربایجان_خبرلری #مهدی_کوخیان