اورمیه و تبریزده رفاه ماغازالاری‌نین چالیشانلاری ایشدن چیخاریلیب
سون گونلر اورمیه‌ده‌کی رفاه ماغازالاری‌نین ۷۰ نفره یاخین، تبریزده ایسه بو ماغازالارین ۲۰۰ نفره یاخین چالیشانی ایشدن چیخاریلیب.
تبریزده رفاه ماغازالاری ایشچیلری‌نین ایشدن چیخاریلماسی ۳ تیر ۱۴۰۲-جی ایل شنبه گونو تبریزده‌کی رفاه ماغازاسی‌نین ایشدن چیخاریلان ۲۰۰ نفره یاخین امکداشی‌نین شرکتین ماغازالاریندان بیری‌نین ایچریسینه توپلاشاراق اعتراض آکسییاسینا سبب اولوب.
آیریجا اورمیه‌ده‌کی بو ماغازالارین ایشچیلری‌نین ایشدن چیخاریلماسی‌نین اؤنجه‌دن خبردارلیق ائدیلمه‌دیگی و بو ایلین تیر آیینین سونونا کیمی داها ۱۵۰ نفرین ایشدن چیخاریلاجاغی بیلدیریلیر.
۱۳۹۵-جی ایلده رفاه ماغازالاری قئیری-شفاف سورج واسطه‌‌‌سیله بانکلارا بورجو اولان شخصلره تحویل وئریلدی و نهایت ۱۴۰۰ شؤبه‌سی اولان بو ماغارالارین بیر چوخ ایشچیسی ایشدن چیخاریلدی و ایفلاس اعلانی وئردی.
قئید ائدک کی، رفاه ماغازالاری‌نین بوتون اؤلکه ۱۵ مین ایشچیسی وار و ۱۴۰۲-جی ایلین تیر آیینین باشیندان بری ایشچیلرین ایشدن چیخاریلماسینا قرار وئریب.
بو شرکتین بورجلاری سونوجوندا تانینمیش برندلر بو شرکته مال گؤندرمه‌مک قرارینا گلیبلر کی، بو دا شرکتین ساتیشلاری‌نین کسکین شکیلده آزالماسینا سبب اولوب و بو دا ماغازا سایی‌نین سرعتله آزالماسینا و ایشچیلرین ایشدن چیخاریلماسینا سبب اولوب.
#آذربایجان_خبرلری #ایشسیزلیک
