سمانه نوروزمرادى ١٢ اطلاعات ماموروو طرفیندن ائوینه باسقین ائدیله‌رک حبس ائدیلیب
بازار ائرته‌سی، ۴ اردیبهشت ۲۰۲۲-جی ایلده اطلاعات ناظرلیگی‌نین مامورلاری تهراندا سیاسی فعال سمانه نوروزمرادینی حبس ائده‌رک بلیرسیز یئره کؤچوروبلر.
اینسان حاقلاری مئدیاسی‌نین خبرینه گؤره، خانیم نوروزمرادی‌نین حبسی اونون تهرانداکی ائوینه ۱۲ اطلاعات مامورو طرفیندن باسقین ائدیله‌رک حیاتا کئچیریلیب.
اطلاعات امکداشلاری حبس زامانی بو کئچمیش سیاسی محبوسون ائوینده آختاریش آپاریب و اونون الکترون جیهازلارینی موصادیره ائدیبلر.
حبسین سببلری و خانیم نوروزمرادییه قارشی ایره‌لی سورولن اتهاملار باره‌ده هئچ بیر بیلگی یاییملانماییب.
سمانه نوروزمرادی ۱۳۹۷-جی ایلین شهریورینده اطلاعات ناظرلیگی‌نین مامورلاری طرفیندن سیستمه قارشی تبلیغات آپارماق و سانال اورتامداکی فعالیتلری ایله سیستمه قارشی چیخان قروپلاردان بیرینه دستک وئرمک اتهامی ایله حبس ائدیلیب و تهران اینقیلاب محکمه‌‌سی‌نین ۲۶-جی شؤبه‌سی طرفیندن ۳ ایل ۹ آی حبسه محکوم ائدیلیب.
او، ۱۴۰۰-جو ایلین فروردین آییندا تهران ساوجیلیغی‌نین نوماینده‌‌سی‌نین حبس جزاسی‌نین تاخیره سالینماسی و گیروو قویولماسی ایله راضیلاشماسی اساسیندا رشتین لاکان حبس‌خاناسیندان سربست بوراخیلدی.
#سیاسی_محبوسلار #سمانه_نوروزمرادی
