نسیم سلطان‌بیگی گیروو قارشیلیغیندا سربست بوراخیلیب
دی آییندا حبس ائدیلن ژورنالیست نسیم سلطان بیگی مووقتی اولاراق اوین حبس‌خاناسیندان گیروو قارشیلیغیندا سربست بوراخیب.
نسیمین آناسی ایران جلیلی آزادلیغا چیخدیقدان سونرا قیزی‌نین شکلینی یاییملاییب و اونون ۲۷ گونلوک حبسدن سونرا آزادلیغا بوراخیلدیغینی یازیب.
نسیم سلطان بیگی ۲۱ دی ده آخشام تهرانین خمینی هاوا لیمانیندا حبس ائدیلن ژورنالیست و کئچمیش اؤیرنجی فعالدیر.
نسیم سلطان بیگی‌نین آناسی قیزی‌نین نئجه توتولماسی ایله باغلی بونلاری دئییب: اشیالارینی تحویل وئرمک و اوچوش کارتینی آلماق اوچون گئدنده موبیل تلفونو سؤندورولوب، بیر نئچه ساعت خبر گلمه‌دیکدن سونرا قیسا بیر زنگده حبس ائدیله‌رک اشیالارینین موصادیره اولوندوغونو خبر وئریب.
خبرلره گؤره، اینقیلاب کئشیکچیلری‌نین اطلاعات تشکیلاتی نسیم سلطان بیگی‌نی حبس ائدیب و او، اوین حبس‌خاناسینا کؤچورولدویو ایلک گونلرده تک آداملیق هوجره‌ده ساخلانیلیب.
#عومومی_اعتراضلار #نسیم_سلطان_بیگی
