تبریزده حبس اولان نازنین کیان‌بختین ساغلیق دورومو یاخشی دئییل
تورک قادینی- بیر آیدان آرتیق‌دیر تبریزده حبس‌ده ساخلانان گنج طلبه نازنین کیان‌بختین ساغلیق وضعیتی آغیر اولدوغو بیلدیریلیر.
حقوق مدافیعه‌چی‌لرینین یایدیغی معلوماتا گؤره،تبریزین ایسلام اینجه صنعت اونیورسیته‌تین طلبه‌سی نوامبر آیینین سون گونلرینده تبریزده‌کی ائوینده نظارت آلتینا آلینیب. او، حاضیردا تبریزین مرکزی حبس‌خاناسیندا ساخلانیلیر . ایران طلبه‌لر بیرلیگی شورالارینین تلگرام کانالیندا یازیلانلارا ایستینادا، نازنین کیانبخت اورک خسته‌لیگیندن اذیت چکیر و ساخلانیلدیغی ایلک گونلرده اینفاکت کئچیریب.
نیکبخت عائیله‌سینین اولادینین مولکی ضمانت قارشیلیغیندا سربست بوراخیلماسی و حبس‌خانا خاریجینده معالیجه اوچون مراجیعتی محکمه طرفیندن رد ائدیلیب.
یاییلان خبرلره گؤره، محکمه محبوسون وضعیتی ایله علاقه‌دار متخصص حکیم و طبی اکسپرتیزا طرفیندن یازیلان مکتوبلارا دا محل قویماییب.
