مازندراندا ۱۴ بهایی وطنداش حبس ائدیلیب
بو باره‌ده بیلگیلی بیر قایناق ایران‌وایره بیلدیریب: مامورلار بیتا حقیقی آدلی محبوسلاردان بیری ایله بیرلیکده اونون ائوینه گئدیب و حؤکم گؤسترمه‌دن سؤزوگئدن ائوده آختاریش آپاریبلار. آیریجا بو گون باشقا بیر گوونلیک مامورو گلبن فلاح و ساناز حکمت شعار آدلی داها ایکی بهایی وطنداشین ائوینه باسقین ائده‌رک، حؤکم گؤسترمه‌دن ائولرینده آختاریش آپاریب و بهایی دینی ایله باغلی کیتاب و اثرلری موصادیره ائدیبلر. سوندا اونلارین هر ایکیسی حبس اولونوب.
بیلگیلی بو شخص داها سونرا بیلدیریب کی، عائله‌‌‌لر تعقیبدن سونرا ۱۴ محبوسون هامیسی‌نین ساری اطلاعات ایداره‌سی‌نین تجرید‌خاناسینا کؤچورولدویونو اؤیره‌نیبلر. عائله‌‌‌لردن ایکیسی اؤولادلاری‌نین ساخلانماسینا جاواب‌ده اولان شخصلردن بیری ایله گؤروشمه‌یه نایل اولور. بو مامور اونلارا بیلدیریب کی، اؤولادلارینیز امکداشلیق ائتسه‌لر، بوراخیلاجاقلار، عکس حالدا صاباحدان اونلارین ایشینی آختارماغا باشلامالیسینیز.
حبس ائدیلن اون دؤرد بهایی‌نین آدلاری بونلاردیر:
افنانه نعمتیان- مجیر صمیمی- سامیه قلی نژاد- بصیر صمیمی- مهسا فتحی- نگار دارابی- هنگامه علیپور- مانی قلی نژاد- نازنین گلی- سام صمیمی- ساناز حکمت شعار- بیتا حقیقی- انیس سنایی- گلبن فلاح
#ایران_خبرلری #آزلیقلارین_حوقوقلاری #بهایی
