مجبوری حجاب؛ ایکی باجی حبس اولوندو و بیر آلیش وئریش مرکزی موهورلندی
یاخشیلیغا امر ائدنلر اولاراق تانینان ایکی نفرله بیر نئچه وطنداشینن چاتیشماسی سونوجوندا شیرازدا ایکی باجی حبس ائدیلیب و بو شهرده‌کی مصطفوی آلیش وئریش مرکزی مؤهورله‌نیب.
ایران مئدیاسی‌نین وئردیگی بیلگیلره گؤره، حجاب بهانه‌سی ایله وطنداشلاری ناراحات ائدن ایکی قادین ایران-عراق ساواشی‌نین قوربانلاریندان «منصور خادم صادق» آدلی بیر نفرینخانیمی و قیزیدیر.
شیراز والیسی لطف الله شیبانی بو شخصلرین ایکی باجی طرفیندن دؤیولدویونو ادعا ائده‌رک، حبس اولوندوقلارینی بیلدیریب.
بو حادثه‌‌‌دن سونرا شیراز شهر تهلوکه‌‌‌سیزلیک شوراسی بازار ائرته‌سی، شهریوار آیینین یئددینجی گونو توپلانتی کئچیردی و شیرازداکی مصطفوی آلیش وئریش مرکزی گوونلیک قایدالارینا عمل ائدیلمه‌مه‌سی و موشاهیده کامئرالاری‌نین قوراشدیریلماماسی، هابئله بعضیلری‌نین دئدیگینه گؤره ایسلام قایدالارینا عمل ائدیلمه‌مه‌سی اوچون گله‌جک خبردارلیغا قدر باغلاندی.
#ایران_خبرلری #مجبوری_حجاب #قادینلار
