باشاریلی حیات حیکایه سی قاب یویان قادین چالیشدیغی رستورانا نئجه صاحیب اولدو

تورکیه نین کاستامونو شهرینده یاشایان حمیده سازاق رستورانلارین بیرینده قاب یویان کیمی ایشه باشلاییب. زامانلا رستوران ایشینی اؤرگنیب رستورانین 180 مین لیره ایجرا بورجو یارانیر.
حمیده سازاق آدلی بو قادین رستورانی بو بورجلا تحویل آلیب ایشلتمه گی دوشونور. دؤولتدن بیر لیرا دستک آلمادان، تمامیله نئسیه چالیشاراق بوتون بورجو بیر ایلده اؤدیه بیلیر .
ایکی اوشاق آناسی حمیده سازاق اوشاقلارینین گلجه گی اوچون ایللرله موختلیف ایش یئرلرینده چالیشیب 2015 جی ایلده قاب یویان کیمی ایشه باشلایاندا اؤزونون ده آغلینا گلمزدی کی، نه واختسا بو رستورانین صاحابی اولاجاق.
حمیده سازاقین چالیشدیغی ایش یئری بیر مددت سونرا ماددی پروبلملردن باغلانما نقطه سینه گلدیکده قادین بو ایشی باجارا بیلجگینی دوشونور و ریسکه گئدیر. هئچ بیر ماددی احتیاطی اولماسادا، اؤزونه اینانیر. یولداشی باشدا اولماغلا یاخین اطرافی 180 مین لیره لیک بورجو اولان رستورانی گؤتورمه سینی آبسورد ساییر.
هئچ کیم بو بورجو اؤدیه بیلجگینه اینانمیر.
حمیده سازاق ایسه فیکریندن دؤنمور. بیر نفرلیک کادرلا رستورانین باشینا کئچجک آشپزلیقدان، اوفیس ایشلریندن، تمیزلیک و قاب یویانا قدر هر ایشی اؤزو گؤرور.
بئللیکله بورجو بیر ایلده باغلاییر. زامانلا رستورانی آیاقا قالدیریر. یای تعطیللرینده اؤولادلاری دا یانیندا چالیشاراق اونا یاردیم ائدیرلر. بئلجه بیر مددت سونرا حمیده علاوه دؤرد ایشچی ده گؤتورور. ایندی رستوران یالنیز قادینلارین چالیشدیغی یئر اولاراق فعالیت گؤستریر.
ایستیندن سونرا قادینین هر ایشی باشاراجاغینی دیین حمیده سازاق، قادینلاری قورخمادان ایش حیاتینا آتیلماغا چاغیریر. رستوران سئکتوروندا دا قادین لارین اوغور قازانا بیلجگینی دئییر. حمیده سازاقین ایشینه اطرافدا هر کس بؤیوک ماراقلا آزارکئشلیک ائدیر.
حاضیرلایان:گونل دنیز
چئویرن: تورک قادینلار مرکزی