۷ یاشلی قیز خالاسی‌نین حیات یولداشی طرفیندن قتله یئتیریلیب
رکنا خبر آژانسی ۱۹ اسفند ۱۴۰۳-ده کرجین محمدشهر محله‌‌‌سینده ۷ یاشلی بیر قیزین دهشتلی قتلی‌نین باش وئردیگینی و بو اوشاغین خالاسی‌نین حیات یولداشی طرفیندن اؤلدورولدویونو خبر وئریب.
یاییلان بیلگیلره گؤره، جینایت کئچن جوما گونو، فاطمه آذلی قیزین ننه‌سی‌نین ائوینه گئتدیکدن سونرا قفیل یوخا چیخماسی ایله آراشدیریلماغا باشلانیب.
فاطمه‌‌نین والیدئینلری جوما گونو آخشام ساعتلاریندا اوشاقلاری‌نین ایتکین دوشمه‌سی باره‌ده پولیسه بیلگی وئریبلر. ایلک آراشدیرمالار زامانی پولیس امکداشلاری بو قیزین سون دفعه خالاسی‌نین حیات یولداشی‌نین اتومبیلینه میندیگینی آشکار ائدیبلر.
