اویونچو آناهیتا همتی حجاب قانونونا اعتراض اولاراق ساچلارینی کسیب
سینما و تلویزیون اویونچوسو آناهیتا همتی “حجاب و عیفت” قانونونون تطبیقینه |گؤره شخصی صفحه‌‌‌سینده پایلاشیم ائده‌رک و ساچلارینی کسه‌رک تپکی وئریب.
او، بو قانونا اعتراضیندا بو قانونو دایاناقسیز الاندیریب و یازیب: “ایراندا قادین اولماق عذاب و آلچاقلیقدان باشقا بیر شئی دئییل. “ساچلاریمی دیبیندن کسمیشم کی، الله ائله‌مه‌سین، منیم ساچیما گؤره هئچ کیم گوناه ائتمه‌سین”.
ایراندا قادینلارین دوروموندان شیکایتلرینی دیله گتیرن بو صنعتچی بونلاری یازیب: بعضاً ارکک دوغولماغی آرزولاییردیم. ایراندا قادین اولماق حقیقتاً عذاب و آلچاقلیقدان باشقا بیر شئی گتیرمیر. داها سونرا او، یئنی قانونلار قارشیسیندا قادینلارین اوزلشدیگی چتینلیکلری ایستئهزا ایله تنقید ائده‌رک، ساچلارینی کسمه‌یی باشقالاری‌نین دا “دوغرو یولا” هدایت اولاجاغینی اومید ائتدیگینی بیلدیریب.
همتی بو یازیسیندا قادینلارا تطبیق ائدیلن سوسیال و مدنی تضییقلره دقت چکرک وطنداشلاردان اونا “توپلوم آراسیندا یئری اولمایان چرکین کئچل ارکک کیمی” باخمالارینی خواهش ائدیب.
#مجبوری_حجاب #آناهیتا_همتی
