بهشتی بیلیم یوردونون ۱۴ قیز اؤيرنجيسي دم گازی ایله زهرله‌نیب
جوما گونو، ۱۶ آذر گونو سحر ساعتلاریندا تهرانین بهشتی بیلیم‌یوردونون یاتاق‌خاناسیندا یاشایان ۱۴ اؤیرنجی قیز دم گازیندان زهرلنه‌رک ساغلیق مرکزلرینه کؤچورولوب.
ایسنانین وئردیگی بیلگیلره گؤره، بو حادثه سحر ساعت ۸:۳۰ جیواریندا تهران ایالتی‌نین تعجیلی یاردیم شؤبه‌سینه چاتدیریلیب و بیر نئچه اؤیرنجی موعالیجه اولونماق اوچون طب مرکزلرینه آپاریلیب.
قضانین سببلری ایله باغلی آیرینتیلی بیلگی وئریلمسه ده، ایستیلیک سیستمینده تئکنیکی اویغون سوزلوق و یا یاتاق‌خانادا لازیمی هاوالاندیرمانین اولماماسی ایله باغلی فرضيه‌‌لر ایره‌لی سورولوب. اؤیرنجی گونو عرفه‌‌سینده باش وئرن بو حادثه ایران‌دا اؤیرنجی یاتاق‌خانالاری‌نین گوونلیگی ایله باغلی ناراحاتلیغی بیر داها گونده‌مه گتیریب.
آلت‌یاپی‌نین ضعیف اولماسی و لازیمی گوونلیک استاندارتلاری‌نین اولماماسی اساس فاکتور کیمی گؤرونن اؤیرنجی یاتاق‌خانالاریندا اؤتن ایللرده ده اوخشار حادثه‌‌‌لر دفعه‌‌لرله باش وئریب.
#ایران_خبرلری #قضا
