اینسانلیق تاریخینه یؤن وئرن 10 عابیده قادین

وارلیقلاری ایله قادین حرکتینه اؤنجولوک ائتمیش، دونیامیزی دئییشدیرن هر بیری اؤز آلانیندا دئوریملر یارادان عابیده قادینلار. اونلاری آنلادمایا البته بورادکی قیسا متن لر یئترلی دئییل، هر بیرینی تانیمایا اوزون ساعاتلرآیرلمالی و درین آنالیزلر یاپیلمالی. بو دونیایی یارادان بوتون قادینلارا سلاملار اولسون…
سیمون دوبواری
وار اولوش فیلسوفو، یازار و سیاسال تئوریسین. قادین حاقلارینین اونلو ساوونجوسو. اثری ” ایکینجی جینس” دئمک اولار قادین حرکاتینین مانیفئستوسو اولموشدور. فئمنیزمین قورجوسو اولاراق آنیلیر. جین پائول سارتر ایله یاشادیغی عشق دستانلار کیمین دیر. عشق لرینین ان بؤیوک ایثباتی فرانسه ده کی اورتاق مزارلاریدیر. یازدیغی رمان لار، شعیرلر، مقاله لری و کیتابلاری ایله قادین ساوونوسونون بایراقدارلیگینی ائتمیشدیر. سول، قادین، حق و عشق دیینجه عاقلا گلن ایلک اؤنجو آدلاردان دی.
سوزان براونل آنتونی
آمریکالی قادینلارا سئچمه حاققی اولوسال درنگی نین قورجوسو و تئوریسین. یئنی قاره ده قادینین وارلیغی اوزرینه بؤیوک موجادله وئرمیش و آوروپادا و آمریکادا ایلده 75 ایله 100 آراسی دانیشیق یاپاراق اون قازانمیشدیر.

رزا لوکزامبورگ
بؤیوک یازار، دئوریمجی، تئوریسین و فیلسوف. کلارا زتکین ایله بیرگه آوروپا قادین حرکاتی نین تمللرینی آتمیشلاردی.

رزا پارکس
1955 ایلینده رنگلره گؤره بؤلونموش اولان بیر اوتوبوس ده بیر آغ اینسانا یئر وئرمه دیگی اوچون توتوقلانان رزا، آمریکاداکی ایرق آیری سئچکیلیگینی ایفشا ائتمیش و بویوک بیر حرکته سبب اولموشدور. سیاه قادین حرکاتینین سمبل ایسیملریندن بیری دیر. رزا پارکس سیاهلار و قادینلارین حاقلاری اوچون سمبلیک بیر یاشام سرگیلمیشدیر.

ماری کورو
رادیوآکتیویته اوزرینه چالیشمالاری ایله کیمیا تاریخینه آدینی یازدیران لهستانلی-فرانسوی اونلو کیمیاجی المنت تابلوسونداکی ایکی اتمو کشف ائدن قادین کیمیاجی دیر. ماری کورو ایلک چالیشمارینی حیات یولداشینین ایمضاسیله یایینلاماق زوروندا قالسادا، سونرالار تاریخده اؤز آدینی قازمیشدیر.
مارگارت سانگر
دوغوم کنترلو و جینسل ائگیتیمین دئوریمجی ساوونجولاریندان دیر. آمریکانین ایلک دوغوم کنترل کلینیگینی آچمیش و قادینلارین اؤز بدنی اوستوندکی حاکمیتی ساغلامیاجاق ایلک اویغولامایی باشلاتمیشدیر. قانونی دوزنلمه لر اوچون کامپانیالار یولا سالمیش و عمرونو قادین جینسل اؤزگورلوگو اوچون وقف ائتمیشدیر.

املی ارهارت
آتلانتیسی کئچن ایلک قادین پیلوت. قادینلاری اوچاق سورمک کیمی قاریشیق بیر ایشی باشارمایاجاغینی دوشونن کیشیلره گرکن جوابی وئرمیش و ایده آللرینی حیاتیله اؤدیرک قادینلارا آلتیندان قالخماسی زوربیر میراث بیراخمیشدیر. املی دونیا تورونو تماملامادان آرام اقیانوسونون اوستونده ایتمیشدیر. آنجاق خاطیره سی ایتمه میشدیر.

نانسی آستور
اینگلیس سیاستینی کؤک دن دئییشدیرن قادین درایتینین سیمبل ایسیملریندن دیر. اینگیلیس پارلمانینا گیرمه یی باشاران ایلک قادین دیر.
بینظیر بوتو
ایلک مسلمان قادین دؤلت باشقانی ایدی. ایسلام دونیاسیندا بیر تابویو ییخاراق آدینی تاریخین اونودولمازلاری آراسیندا یازمیشدیر. داردیشمالی سیاسی کارییئری 2007 ایلینده بیر ترور سالدیریسی نتیجه سینده سون بولموشدور.

ایندیرا گاندی
ماهاتما گاندی ایله دوغرودان بیر قان باغی اولمایان ایندیرا، اؤلکه سینین بؤلونممه سی اوچون اوغراش وئرمیش و هندوستانین آناسی اولاراق آنیلمیشدیر. بیر کیشی طرفیندن اؤلدورولدو و بوتون امکلری یاریم قالدی. ائلجه ده هندوستان، بنگلادش و پاکستان بیربیرلریندن آیریلدیلار.
تورک قادینلار مرکزی