ایکی قادین جینایتلری نین آیرینتیلاری؛ رشت ده متین، اندیمشک ده روناک
۵ شهریور گونو گیلان شهری‌نین یئرلی مئدیاسی قادین گئییملری بوتیکی‌نین صاحبی، ۳۴ یاشلی «متین طیبی‌خواه» آدلی قادینین اییرنج قتلی ایله باغلی خبر یاییب.
بو قتلله باغلی ایران‌وایره وئریلن خبره گؤره، متین ۴ شهریور ۱۴۰۲-ده حیات یولداشی طرفیندن وحشیجه‌سینه اؤلدورولوب.
متین طیبی‌خواه حیات یولداشی تانینمیش حکیملردن بیریدیر و رشت‌ده حکیملر بیناسی‌نین صاحبی اولوب.
متین طیبی‌خواه چوخ گنج یاشلاریندا حیات یولداشی ایله ائولندی و فومن شهریندن رشت‌ده یاشاماغا گلدی. قادین حوقوقلاری ساوونوجوسو پردیس ربیعی ایران‌وایره دئییر: “متینین حیات یولداشی عنعنه‌‌وی و سرت عائله‌‌‌دن ایدی، داها اؤنجه‌دن ده حیات یولداشی و عائله‌‌‌سی ایله پروبلئملری وار ایدی. اونونلا آنلاشا بیلمه‌مه‌لری و ۱۴ ایله یاخین یاش فرقی اونلارین حیاتدا جدی فیکیر آیریلیقلارینا سبب اولموشدو کی، حتی ایکی اؤولادی اولاندا دا متینین اورگی حیات یولداشی ایله ایسینمه‌ییب و نهایت، بوشانماق اوچون محکمه‌‌یه باش ووروب. متینین حیات یولداشی اونون نیشابوردان اولان بیر ارکک ایله موناسیبتیندن شوبهه‌له‌نیردی و بوشانمانین سون مرحله‌‌‌سینده اولمالارینا باخمایاراق، متینین حیاتینا نظارت ائتمیی دایاندیرمادی. سوندا هر ایکیسی‌نین باشینی کسدی”.
۲۵ شهریور ۱۴۰۳-جو ایل آخشام ساعتلاریندا اندیمشک‌ده روناک (جیران) توسلی‌پور آدلی باشقا بیر گنج قادین ائلچیسی طرفیندن گولـله‌لنه‌رک اؤلدو.
حادثه شاهیدلری‌نین سؤزلرینه گؤره، ۲۲ یاشلی بو قیز باشیندان آچیلان آتشله اؤلدورولوب.
روناک توسلی‌پور یازیچی ایدی و او، قادین، حیات و آزادلیق اعتراضلاری‌نین ایکینجی ایلدؤنومونده ناموس موتیوله اؤلدورولدو.
ایران‌وایرین الده ائتدیگی بیلگیلره گؤره، روناک بو ایل ۲۵ شهریورده آخشام ساعتلاریندا اونا عاشق اولدوغونو ادعا ائدن و اونا ائولیلیک تکلیفی ائتمیی پلانلاشدیران علی شجاعی آدلی شخص طرفیندن اؤلدورولوب. روناک داها اؤنجه عمیسی اوغلو ایله ائولی اولوب، لاکین بیر مدت سونرا حیات یولداشی کوچه باش وئرن بیر چاتیشمادا اؤلدورولوب.
#قادینلار #قادین_جینایتی
