“قادین، یاشام، آزادلیق” – دکتر مهرک بهرامی شاد، دکتر سوزان سانر
قادینلار و قادین اؤرگوتلری، تورک طبیبلری بیرلیگی، قادین حکیملیک و قادین ساغلیغی قولونوندا ایچینده اولدوغو برابرلیک اوچون قادین پلتفرمونو اولوشدوراراق ایکی ایلی آشان بیر سوره دیر موجادیله و دیرنیشلرینی سوردورور.
برابرلیک یاخلاشیملا قادین و کیشینین تکجه حاقلاردا دئییل یارادیلیشدادا بیربیرینی ایچلرینده یاشاتدیران اینسان روحونون فرقلی فیزیکسل دوغوشو اولدوغو دانیشیلان ایگیرمی بیرینجی عصیرده نه یازیق کی چوخ یاخینیمیزدا باسدیریلمیش سس سیز قادین باغیرمالارینی روحوموزلا درک ائدیریک.
مین ایللر اؤنجه یونان میتولوژیسینده تانریلارین تانریسی زئوس کیشی بدنینده ظهور ائتمیشکن، آمئرئتات کیمی قادین بدنینده یاخشیلیغی قورویان تانریچالارین دیاری، بیر قادین آدی اولان “ایران” آدی ایله بیلینن و 45 ایل اؤنجه سینه قدر آناارکیل آنلاییشلا سوردورولن اسکی و معاصر کولتورون توپراقلاریندا دین آدی آلتیندا اوز وئرن جینایتلرین آردی آرخاسی کسیلمیر.
آمئرئتاتین دونیایا سالدیران پیسلیک تانریسی اهریمن دن یئشیللیکلرین توخوملارینی قورویاراق قارانلیق گونلردن سونرا یئنیدن دوغوشو اونوتدورولمایا چالیشیردی 45 ایل بویونجا… دونیادا و اورتادوغودا کولتور، صنعت و معاصرلیک باخیمیندان اینجی کیمین پارلاماقدا اولان ایران دا هله ده قادینلارائولندیکدن سونرا، اؤز سوی آدلارینی داشییاراق اسکی معاصیرلیک میراثینی داشیرکن، گئریجی و متعصب رژیم، قیز و اوغلانلاری آنا اوخول اعتباریله اوخوللاردا آییریر و دوققوز یاشینی کئچن بوتون قیزلارا دینی واجیبیتلری یئرینه گتیرمه لری گرکتیگینی ادعاسیله زورلا چارقاد اؤرتمه لرینه زورلاییر.
تانرینین بئله اوستونه آلمادیغی گؤروی اوستونه آلمیش ایماژینی یارادان بو رژیم، اؤزگور ایراده نین هر آلانینا قاریشاراق، اؤز جنت لرینه اینسانلاری زورلا سوخما میسیونو ائدینمیشدیر. مسلمان آنا آتادان اولان بیر اینسانین عاقلی اردیگینده اؤز ایسته دیگی دینی سئچمه ایستگی اؤلومله سونوجلانان بو توپراقلاردا، بیر قادینی یارالاما و یا قتل ائتمه جزاسی بیر کیشینین بیضه لرینه ضرر وئرمه دیرینده محاکیمه ائدیلیر. بیر قادینین باشینا گلن بیر حادیثه ده قادین شاهیدین اولماسی حالینده، قادینین شاهیدلیگینین یئترلی اولماماسی یئتمزمیش کیمی، پاسپورت آلیب مسافرت ائتمسی بئله باباسی و یا اری ریضاسی اولمادان ایمکانسیز.
ایللردیر بو حاقسیزلیقلارین فرقینده اولان، آنجاق یارادیلان گوندملر و یاشام موجادیله سی ندنی ایله هر آیاقلاندیغلاریندا اؤلدورولن بو جغرافیا اینسانینین یئتیشن یئنی نسیللر آرتیق اسارت باغلارینی قوپارمایا نیتلیلر.
پهلوی خاندانینین ییخیلماسیندان سونرا، ایسلام جمهوریتینه “بلی و یا خیر” دیه رفراندوم حاضیرلایان حیله کار ذهنیت، منارشیدن قورتولماق ایستین، چوخونون جمهوریت قاورامینین سحرینه قاپیلاراق ایسلام کلمه سینه دیقت ائتمیرک بلی دیجگینی بیلرک اؤزونو مشروعلاشدیردی.
آرخاسینجا چوخ کئچمدن اصلینده شریعتین سؤزده جمهوریته اویغونلاشدیرماسی ماسکه سیله متعصیب دوشونجه لرین خالقا دیکته ائدیلمیه باشلاندیغی آنلاشیلدی. بونا اعتراض ائتمک ایستین چوخونلوغون ان یاخشی باسدیرماق یولو گنه دین قارداشی اولان قونشو عراق ایله گؤسترملیک بیر ساواش یارادماق و عصیان ائده بیلجک گنچ اهالی نین یوخ ائدیلمه سی، اوشاق و قادینلارین حیاتدا قالما اندیشه سی ایله آیاقلانمادان اوزاقلاشدیریلماسی ایدی.
اوسته لیک بونونلا قالمایاجاق، باشینا بمب لر یاقاراق، ائشیکده کی گوجلرین قویدوغو تحریملر آلتیندا ساغلیق کیمی ان تمل حاقلارا بئله گرکدیگی کیمی اولاشمایان، بؤیوتمین و روحن تراومازیته ائدیلمیش تزه نسیللر بو یالنیز قادینلارین اوشاغلاری اولاراق بؤیویجک و گلجکده کی 20 ایل بویونجا بو متعصب رفتارلا اؤلکه نین نفتیندن گلن گلیرلرینی ایستیثمار ائدجکلردی.
سککیز ایل سورن ساواش و آردینجا 20 ایللیک اسکی نسلین یئنی نسیللریئتیشدیرمگه باشلایاجاقی دؤنمین بیتمه سینین آردیندان 10 ایلده بیر تکرارلانان آیاقلانما پریودلارینین ساییسی و سیخلیقی گئدرک آتدی.
2022 ایولون سون گونلرینده، ساچینی اؤلکه یؤنتیمینین بویوردوغو بیچیمده اؤرتمه دیگی اوچون اخلاق پولیسی طرفیندن ایخطار وئریلیرکن گؤردوگو شدت سببیله حیاتینی ایتیرن مهسا امینی بیلمیردی کی اؤلومو دیگر همجینسلری اوچون باهاری مژده لدیگی و اؤزگورلوک اوچون ایگیرمی بیرینجی عصرده بیر تانریچا رولونو اوینادی.
ایللردیر بو ظولمو یاشامیش و بو سببلردن اؤتورو توپراقلاریندان گؤچ اسینتیسیله اوچموش اولان تخوملار، دونیانین دؤرت بیر یانیندا چیچکلنمیشدی. آمئرئتات ژینانین بدنینده جان بولموش و حیاتی یئنیدن مژده لیجک دی. دونیانین فرقلی اؤلکه لرینده چیچکلنن بو قادینلار دیگر همجینسلرینین سئوگی باغینا بوروندو کؤکلرینی و مهسالارین سسی اولدولار .
بیز قادین حکیملری، قونشوموزدا اولان بیتنلره سسیز قالمیریق. گلوبال دونیادا هر نفرین سورونونو هامیمیز حیس ائتمز و چاره تاپماز ایسک پاندمی حالینه گله بیلجگینی یاخیندان تادیغیمیز بوگونلرده ، جینسیت آیریمی، شخصی حاقلارا سالدیری، گییم قوشام طرزینه موداخیله کیمی کهنه لنمیش رفتارلارا ایزین وئرن تعصبون هامیمیزا دولاشماسینا ایزین وئرممک اوچون هامیمیز بو گونه دک بیر سسله “قادین، یاشام، آزادلیق” دئییریک.
ساواش دا، قادینا یؤنلیک شیدت ده، خالق ساغلیغی سورونودور دئییریک. دونیاداکی بوتون قادین اؤزگورلوک حرکاتینی دستکلمک اوچون الیمیزدن گلنی یاپاجاییق. بیر نئچه غنچه نی قوپاراراق بهارین گلیشینین قاباغینی توتماق دوشونجه لره قارشی، ایرانلی باجیلاریمیزلا بیرلیکده بوتون گوجوموزله باغیراراق دوام ائدجییک : “قادین، یاشام، آزادلیق”
دکتر قادین حکیملیک و قادین ساغلیقی کمسیونو عضوو
دکتر مهرک بهرامی شاد، دکتر سوزان سانر
چئویرن: تورک قادینلار مرکزی
