آیاق اوستو یازیلار- رقیه کبیری
محله‌میزده بیر آتا_اوغولون مئیوه‌ساتان توکانی وار، توکانی چوخ واختلار اوغلو دولاندیرار. قیمت‌لری آشاغی اولور، (البته مئیوه‌لری ده بیرینجی درجه‌لی مئیوه دئییل)
بو گون او توکاندان آلما آلیرکن یالنیز آتا توکاندا ایدی، آلما نایلونونو تره‌زی یه قویورکن دقت ایله منیم اؤرتوک‌سوز آغ ساچیما باخیب، معلیم سایاغی دئدی:
اؤزلویومده دئدیم، گؤره‌سن بو کیشی‌یه نه اولوب! منی توریست‌نن دییشیک توتوب؟! دئدیم:
قاشلارینی یوخاری چکیب، الی ایله آغارمیش ساچیما ساری اشاره ائدیب، دئدی:
قالدیم باخا-باخا! کیشی ایسه درحال آرتیردی: من ده پزشکیان کیمی نم نئچه دیل باشاریرام. شاه زامانی امریکادا دؤره گؤرموشم، عرب دیلینی کامیل بیلیرم، کرمانشاهین
کوردی دیلینی، استانبولجانی، روس دیلینی ده کامیل بیلیرم.
باشقا زامان اولسایدی بلکه کیشی‌نین سایدیغی دیل‌لرین هاردان اؤیرندیغینی و منیمله انگلیزجه دانیشماغی‌نین سببینی سوروشاردیم، آما سون گونلرده اوزریمه چؤکموش حوزون‌دن دولایی دانیشماغا دیل-داماغیم یوخ ایدی.آلمالارین پولونو اؤده‌ییب، ائوه ساری گلیرکن کیشی‌نین بیردن بیره منیمله انگلیزجه دانیشماغی‌نین ندن‌لرینی، ظاهری گؤرونتولرین باشقالاریندا یاراتدیغی تاثیراتی دوشونورکن عاغلیما بیر سوال گلدی: گؤره‌سن چوخ دیل بیلن او کیشی آغارمیش ساچیما گؤره منیم انگلیز دیلینه مسلط اولماغیمی گؤزله‌ییردی یوخسا ساچیمین اوزرینده اؤرتوک اولمادیغینا گؤره؟
۱۴۰۳.۵.۲۷
https://t.me/ruqayyekabiri
