مجبوری حجاب اولمادان قیزلارین قاتیلدیغی عزادارلیق هیاتی‌نین مجوزی لغو ائدیلیب
دینی قوروملار و تشکیلاتلارین رئیسی “مجید باباخانی” مجبوری حجاب اولمادان قیزلارین قاتیلدیغی کرج‌ده‌کی عزادارلیق هیاتی‌نین مجوزی‌نین لغو ائدیلدیگینی آچیقلاییب.
دونن سوسیال شبکه‌لرده گنج قیزلارین کرجده ماتم مراسیمینده ایشتیراک ائدرکن مجبوری حجاب اولمادان زنجیر ویردیقاری ویدئوسو یاییلیب.
بو ویدئونون یاییلماسیندان سونرا البرز ایالتی‌نین پولیس رئیسی “حمید هداوند” بیلدیریب کی، بوتون بو شخصلرین کیملیگی بللی ائدیلدیکدن سونرا البرز ایالتی‌نین پولیسینه چاغیریلیب.
ایسنانین وئردیگی بیلگیلره گؤره، ایندی باباخانی بیلدیریب کی، پولیس قوه‌لری‌نین امکداشلیغی ایله هیات یئتکیلیسی چاغیریلیب و حوقوقی سورج حیاتا کئچیریلیب.
اونون سؤزلرینه گؤره، بو هیاتده گؤرولن تدبیرلر پلانلاشدیریلمیشدی و فیلم حاضرلاناراق یاییملانیب و بو سببدن هیاتین ایجازه‌سی لغو ائدیلیب.
دینی قوروملار و تشکیلاتلارین رئیسی آیریجا وورغولادی کی، سؤزوگئدن هیاتین بو جور داورانیشی اؤنجه‌لر ده اولموشدو و بو سببدن محرم آیی اؤنجه‌سی بو هیاته خبردارلیق ائدیلیب.
