سنندج‌ده قادین جینایتی؛ قادین حیات یولداشی طرفیندن بیچاقلا اؤلدورولوب
ایرانین اینسان حاقلاری قایناقلاری‌نین وئردیگی بیلگیلره گؤره، ۲۷ تیرده سنندج‌دن اولان ۳۱ یاشلی “آیداحیدریان”، بلیرسیز سببلردن حیات یولداشی طرفیندن بیچاقلاناراق اؤلدورولوب.
هانا اینسان حاقلاری تشکیلاتی یازیب کی، “آیداحیدریان”، حیات یولداشی “آرام زارعی” طرفیندن اؤلدورولدوکدن سونرا حیات یولداشی دا اینتیهار ائدیب و سنندجین طب مرکزلریندن بیرینه یئر‌لشدیریلیب. هنگاو اینسان حاقلاری سایتی‌نین خبرینه گؤره، او، خسته‌خانادا موعالیجه اولوندوقدان سونرا حبس ائدیله‌رک حبس‌خانایا آپاریلیب.
سنندجده‌کی قیزیل آی داواخاناسی‌نین امکداشی آیدا حیدریان حیات یولداشی طرفیندن چوخ‌سایلی بیچاق ضربه‌لری ایله اؤلدورولوب و قتلین موتیوی هله بللی ائدیلمه‌ییب.
هنگاوین یازدیغینا گؤره، آرام زارعی داها اؤنجه حیات یولداشینا قارشی زوراکیلیق ائدیب و دؤیوب، او، اورتاق ائولرینده حیات یولداشینی بیچاقلا اؤلدوروب.
ایراندا اینسان حاقلاری‌نین پوزولماسی دورومونو ایزله‌ین تشکیلاتین سون راپورو گؤستریر کی، بو ایل ۱۱ اردیبهشت‌دن ۱۱ خردادا-دک ایراندا ان آزی ۱۳ قادین قتلی حادثه‌‌‌سی قئیده آلینیب، بو قادینلارین حیات یولداشی، آتالاری، قارداشلاری و یا اوغوللاری دا داخیل اولماقلا اونلاردان ۱۲-سی قوهوملاری طرفیندن تؤره‌دیلیب.
ایراندا سون دؤرد اونیللیکده قادین قتللری‌نین سایی آرتماقدادیر و شرق قزئتی‌نین آراشدیرماسینا گؤره، سون ایکی ایلده هر دؤرد گونده بیر قادین عائله‌‌‌نین ارککلری طرفیندن اؤلدورولوب.
#قادینلار #قادین_جینایتی
