نیکا شاکرمی‌نین قتلی ایله باغلی خبر یایان ایکی ژورنالیسته قارشی پرونده آچیلیب
تهران ساوجیسی میدان آزادی آیلیق درگی‌نین باش مودیری هادی کسایی‌زاده و اقتصادی ژورنالیست عسل داداشلویا قارشی شیکایت وئریب و اونلارا قارشی پرونده آچیلدیغینی دئییب.
اولوسلارآراسی ژورنالیستلر فدراسیونونون راپورونا گؤره، بو پرونده بو ایکی ژورنالیستین نیکا شاکرمی‌نین اؤلدورولمه‌سی ایله باغلی ایچریلیگین یایلماسی ایله باغلی آچیلیب.
بی‌بی‌سی‌نین ۱۱ اردیبهشتده الده ائتدیگی چوخ منفی سندلره دایاناراق یاییملادیغی راپوردا، ۱۴۰۱ اعتراضلاریندا ایشتیراک ائدن یئنی‌یئتمه قیز نیکا شاکرمی‌نین ایران گوونلیک گوجلری طرفیندن حبس اولوندوقدان سونرا جینسی تجاووزه معروض قالیب و دؤیوله‌رک اؤلدورولوب.
بی‌بی‌سی‌نین یایدیغی خبره جاواب اولاراق، ایران ایسلام جمهورییتی‌نین محکمه سیستمی بو راپورو درج ائدن بیر سیرا ژورنالیست و مئدیا فعاللارینا قارشی جینایت پرونده‌سی آچدیغینی اعلان ائدیب.
عدليه‌‌نین مئدیا مرکزی اولان میزان خبر آژانسی ۱۲ اردیبهشت چارشنبه گونو اعلان ائدیب کی، بو شخصلر نیکا شاکرمی پرونده‌سی ایله باغلی سانال اورتامدا یالان، تحقیر و سیستمه قارشی تبلیغات آپاریبلار و سونوندا دا بو پرونده داها اؤنجه ده آراشدیریلدیغی بیلدیریلیر.
مرضیه محمودی و محمد پارسی تهران ساوجیلیغی‌نین بونونلا باغلی اونلارا قارشی پرونده آچدیغی باشقا ژورنالیستلردیر.
#ایران_خبرلری #نیکا_شاکرمی
