غربی آذربایجان ولایتینده اؤزونو یاندیرماق و یا اؤزونو یاندیرماغا مجبور ائتمک و یا یاندیریلماق کیمی آنتیسوسیال فئنومئنین یاییلماسی

اهراز- سون ایللرده ایراندا اقتصادی وضعیتین آغیر اولماسی و قادینلارین سیاسی و سوسیال ایستکلرینه قارشی اونلارا داها چوخ سوسیال محدودیتلرین تطبیقی غربی آذربایجان ولایتینین بؤلگه‌لرینده قادینلارین اؤزونو یاندیرماسی آنورمال فئنومئنینی آرتیریب. ایراندا ولایتلر اوزره بو فئنومئنین یاییلمیش دقیق آماری یوخدور. یالنیز مئدیایا یانسییارسا، اونون خبرلری سوسیال شبکه‌لرده ده اؤز عکسینی تاپاجاق کی، بو دا ساییجا چوخ و دوشوندوروجودور. بو اولایین عائله‌ده و جمیعتده ووردوغو ضررین سوسیال ضرر کیمی سون درجه منفی تاثیرینه باخمایاراق، ایران اسلام جمهوریتینین مسئول قوروملاری اونون آزالدیلماسی و قارشیسینین آلینماسی اوچون ساحه چالیشماسی و ساختاری تدبیرلر گؤرمییبلر.