سولماز خانیم بالایی‌نین قیسا تانیتیمی
سولماز بالايي ١٣٥٦ ايلينده تبريزده مقصوديه محله‌سينده دونيايا گليب.بابا ائوینده دونیایا گلن سولماز، اوشاغلیغین بویوک حیاط، تَنَبي، سردابالار، چورک ائوی، اؤزؤملوک و …اولان ائوده چوخ سربستلیینن کچیردی.
ائو گئت گللی ائویدی؛ بویوک آتا، عمقیزیلار، عمه لر، عمیلر …گئدیب گلیردیلر و بو اونا محبت دولو و گئنیش اورتامدا بویومه‌سینده بویوک رُلو اولدو.
تحصيلينين ابتدايی دوره سين تبريزين قديم مدرسه‌لرينن اولان “عزت” ده اوخودو.بوردا آناسيدا قارداشيدا اوخوموشدولار. تحصيلينده هميشه اوغورلو اولموشدور. چونكو اؤيرنمه‌يه و چاليشقان اولماغا چوخ ميئللي اولوب. تحصيلين كناريندا هم انگليس ديلی همده موسيقی كلاسلارينا گئديب
ائولرينده هميشه موسيقی‌يه اؤنم وئريليردی.آتاسی و عمه سينين گوزل سسلری واريدی.قاداشينا تار معليمی، آناسينا قاوال معليمی ائوه گليردی.
ائله كي سولمازادا ١٤ ياشيندا، “پارلاق استعدادلار”(استعدادهاي درخشان) مدرسه سينه قبول اولماقينا گوره،آتاسی اؤدول اولاراق پيانو آليب و بونونلا موسيقي دونياسينا جدي اولاراق آددیم آتير .
گنج یاشلاریندان هم پيانو و هم اوخوماق كلاسلارينا باشلايير: ایلک موسيقی معلملری پيانودا جناب حقيقی، آوازدا ايسه فریده خانم اصغرنيا اولوبلار.
سونرا پيانونو جناب شيخ‌باقری‌له دوام ائتديریب.
ايلک تحصيلي عمران رشته‌سينده، تبريز دانشگاهیندا اولسادا، موسيقی هميشه اورگی‌نين ان گوزل یئرينده يئر آلیب و آرزوسو موسيقی تحصيلی آلماق اولور .
تحصیل زامانی دا موسیقی فعالیتینه دوام ائدیر.كر گروهو ايله كنسرتلرده شركت ائديب و تجربه قازانميشدير. اله بو ايللرده ده موغام خواننده‌سی،حسين ملكی‌زاده‌یله تانيش اولوب، ١٣٧٨ده اورتاق حيات قورور و موغام دونياسينا حيات يولداشی‌یلا بیرلیکده آدديم آتمیشدیر.
١٣٨٣-ده پينار قيزی دونيايا گلير و نچه ايللر هم ايش(مهندسي اوزره) هم قيزينين بويوتماغينان مشغول اولماغا گوره بيراز موسيقی دن فاصيله آچير اما موسيقی عشقی اوره‌يينده بويومه‌يه دوام ائدير .
بیراز باشی آییلان کیمی “كر”گروهلاريندا اوخوماغا دوام ائدیر و تبريزين ملی اركسترينده پيانو ايفا ائدير .
١٣٩٣ايلينده حيات يولداشی سولمازین آرزولارينی يئرينه يئتيرير و باكيدا ملی كنسرواتواردا تحصيل آلماق اوچون اونا بؤيوك دستك وئرير.
كنسرواتواردا ووكالدا “سامير جعفروف”، “گولناز اسماعيلووا”، “آذر زينالوف” و موغام دا “منسوم ابراهيموف” کیمی اوستادلاردان درس آلیر .
كنسرواتواردا ۵ ایللیک تحصيلين اوغورلا و اعلا نمره‌لرله باشا چاتدیریب .
او ایللرده باکیدادا کنسرتلرده اشتراکی اولوپ و صحنه‌یه چیخیبدیر و بویوک تجربه لر قازانیب.
۱۴۰۰ایلینده ۲۰ ایل ایشلدیغی شرکتدن چیخیپ و ایشین دوامین محض موسیقینن دوام ائتمه‌یین قرارینا گلیر .
تبریزده نئچه موسيقي اؤیرتیم مکتبلرینده (شهریار، خجسته، پژواک و…) و هنرستانیندا معلیم کیمی ایشله‌ییر .
معلیملیگی چوخ سئویر و عشقینن بیلدیکلرین اوؤیرنجیلرینه ده اورگه‌دیر .
قیزی پیناری دا کیچیک یاشلاریننان موسیقی درسلرینه و سورادا قیزینین اوز سئچیمی اولان کمانچه سازینا قویور
ایندی ایسه قیزی همان کنسرواتوار دا ینی آذربایجان ملی کنسرواتواریندا تحصیل آلیر.
پداگوژی فعالیتینن بیرگه واقت اولاندا اثرلر اوخویوپ، ضبط ائلییپ و کلیپلر چکماغا مشغول اولور.
