همداندا حبس ائدیلن ۶ بهایی قادینین ساخلانیلماسی و دوروملایندان خبرسیزلیک دوام ائدیر
همدان شهرینده آلتی بهایی وطنداشین حبسیندن ۱۰ گون کئچسه ده، حبس اولونانلارین اتهاملاری و حبس‌خاناداکی دوروملاری باره‌ده هله ده بیلگی یوخدور.
بونونلا باغلی بیلگیلی بیر قایناق ایران وایره بیلدیریب: ساخلانیلان ۶ قادین یالنیز ساخلاندیقلاری ایلک گونده عائله‌‌‌لری ایله تلفون دانیشیغی اولوب و داها هئچ بیر زنگ آلماییب. عائله‌‌‌لرین محکمه و گوونلیک اورقانلاریندا تعقیبلری ایندییه‌دک سونوجسوز قالیب و بو قوروملاردان دقیق جاواب آلا بیلمه‌ییبلر.
بو آلتی بهایی وطنداشین آدلاری بونلاردیر: زرین دخت احدزاده، عاطفه زاهدی، نورا ایوبی، فریده ایوبی، ندا محبی و ژاله رضایی.
قئید ائدک کی، ۱۶ آبان چارشنبه آخشامی سحر ساعتلاریندا گوونلیک گوجلری گئنیش و بیرگه عملیات چرچیوه‌سینده همدان شهرینده ۲۰-دن چوخ بهایی وطنداشین ائولرینه باسقین ائدیب و ائولرده آختاریش آپاردیقدان سونرا ۶ بهایی وطنداشی حبس ائدیبلر.
#دینی_آزلیقلار #بهاییلر
Çevirisine bak
