تورک قادینلار مرکزیندن «Feministas  por Palestina»نین ۲۵ نوامبر چاغریسینا دستک

بیر آیدان چوخدور غزه خالقینین باشینا، گئرچک آنلامدا اود یاغیر.بو اودو کیم یاندیریب، کیم اونو آلیشدیریب سؤز قونوسو دئییل.
هر دیقه هر ثانیه، سوچسوز سیویل اوشاق، قادین، کیشی، دیری- دیری تورپاقلار آلتیندا قویلانیر و یاخود قان ایچینده نئچه اعضاسینی ایتیرمیش حالدا خستهخانالارا سیغینیرلار.
ایشغالچی اسرائیلین حربی قوشونلاری، فوزه و بمبلاریلا، خسته خانالار و مکتبلرده سیغینان یارالی اوشاخلارا دا، رحم ائتمیرلر.
وحشیجه اینسانلاری بو شکیلده اؤلدورمک، آیدینجا دونیانین گؤزونون اؤنونده، ابر قدرتلرین یاردیمیلا، سویقیریمیندان باشقا نه اولا بیلر؟
بیز تورک قادینلار مرکزی، بو سوی قیریمینی شیددتله محکوم ائدیب، بوتون بینالخالق تشکیلاتلاریندان، جمعیتلردن، دونیا سَویهسینده انسان حاقلاریندان مدافعه ائدن اورگانلاردان ایستهییریک، بوتون ایرادهایله اسرائیلین ایشغالچی و حربی قوهلرینین قارشیسینی آلیب، آتش کس ایله غزهنین خالقینی بو فلاکتدن خیلاص ائتسینلر.
بیز تورک قادینلاری، اولوسلار آراسی نوامبرین ۲۵، قادینلارا قارشی شیددته مباریزه گونو، بیر چوخ فمینیستی تشکیلاتی نین غزه و فلسطین خالقیندان حمایت اوچون چاغریسیندان، حمایتیمیزی بیلدیریب، بو اعتراضلارا قاتیلاجاییق.

تورک قادینلار مرکزی

05.11.2023