رقیه کبیری: ۵- نجی (بئشینجی) تورک دونیاسی یازارلار قورولتایندا قیسا دانیشیغیمین متنی
اؤنجه‌لیکله تورکیه جمهوریتی‌نین یوزونجو ایلی ایله یاناشی آذربایجان جمهوریتی‌نین قاراباغ ظفرینی تبریک ائدیب، صلح‌طلب بیر انسان اولاراق غزه-اسرائیل ساواشیندا سیویل انسانلارین اؤلدورولمه‌سینی قیناییب، ساواشین داياندیرماغینی طلب ائدیرم.
و شهریارین دیاریندان، تبریزدن سیزه سلام گتیرمیشم، آنجاق بیز شهریاردان باشلانیب، شهریاردا باشا چاتمامیشیق. بوتون چتین‌لیک‌لره باخمایاراق بو گونوموزده چوخلو یازیچی، شاعیر، موسیقی‌چی، سینماچی و … عرصه‌یه گلیب.
ایران پلورال بیر اولکه اولدوغونا باخمایاراق بو پلورال‌لیق رسمیته تانینمیر. بیزیم اولکه‌نین رسمی و غالب دیلی فارس دیلی‌دیر و آذربایجان تورکجه‌سی ایله باغلی هر هانسی بیر رسمی دیل و مدنیت قورومو اولمادیغی اوچون بو ساحه‌ده چالیشانلار کؤنوللو اولاراق آنا‌دیل‌لرینی مکتب‌سیز اؤیرنیب، اینجه‌صنعتین بوتون قول‌لاریندا اثر‌لر یاراتماقدادیرلار، آنجاق دیل قوروم‌لاری یوخکن، استاندارد دیل یوخکن، پئشه‌کار ائدیتور یوخکن بئلنچی بیر یارادیجیلیق دئم تورپاغا توخوم سپمک کیمی‌دیر، هله بیر قادین اولورسان، شرط‌لر داها دا آغیرلاشیر. بیزیم اؤلکه‌ده آذربایجان تورکجه‌سینده ادبی و اینجه‌صنعت چالیشمالاری بوتونلوکله کؤنوللو و شخصی بیر چالیشما اولدوغو اوچون قورولتایدا اورتایا قویولان تکلیف‌لر حاقیندا یالنیز اؤز فیکریمی دانیشا بیلرم. منجه تورک اؤلکه‌لرینده‌کی دیل‌لرین قورونماق شرطی ایله تورکیه تورکجه‌سی‌نین ارتباط و ایله‌تیشیم دیلی اولماغی مقبول بیر تکلیف‌دیر. آنجاق تورک دونیاسی یازارلار قوروموندا مستقل بیر یازیچی کیمی نه‌لر ائده بیلجه‌بیمی و بو قورومون بیزیم شرط‌لرده چالیشان یازیچی‌لار و صنعتچی‌لره نئجه یاردیم ائده‌جه‌یینی بیلمک ایسترم.
و شهریارین دیاریندان، تبریزدن سیزه سلام گتیرمیشم، آنجاق بیز شهریاردان باشلانیب، شهریاردا باشا چاتمامیشیق. بوتون چتین‌لیک‌لره باخمایاراق بو گونوموزده چوخلو یازیچی، شاعیر، موسیقی‌چی، سینماچی و … عرصه‌یه گلیب.
ایران پلورال بیر اولکه اولدوغونا باخمایاراق بو پلورال‌لیق رسمیته تانینمیر. بیزیم اولکه‌نین رسمی و غالب دیلی فارس دیلی‌دیر و آذربایجان تورکجه‌سی ایله باغلی هر هانسی بیر رسمی دیل و مدنیت قورومو اولمادیغی اوچون بو ساحه‌ده چالیشانلار کؤنوللو اولاراق آنا‌دیل‌لرینی مکتب‌سیز اؤیرنیب، اینجه‌صنعتین بوتون قول‌لاریندا اثر‌لر یاراتماقدادیرلار، آنجاق دیل قوروم‌لاری یوخکن، استاندارد دیل یوخکن، پئشه‌کار ائدیتور یوخکن بئلنچی بیر یارادیجیلیق دئم تورپاغا توخوم سپمک کیمی‌دیر، هله بیر قادین اولورسان، شرط‌لر داها دا آغیرلاشیر. بیزیم اؤلکه‌ده آذربایجان تورکجه‌سینده ادبی و اینجه‌صنعت چالیشمالاری بوتونلوکله کؤنوللو و شخصی بیر چالیشما اولدوغو اوچون قورولتایدا اورتایا قویولان تکلیف‌لر حاقیندا یالنیز اؤز فیکریمی دانیشا بیلرم. منجه تورک اؤلکه‌لرینده‌کی دیل‌لرین قورونماق شرطی ایله تورکیه تورکجه‌سی‌نین ارتباط و ایله‌تیشیم دیلی اولماغی مقبول بیر تکلیف‌دیر. آنجاق تورک دونیاسی یازارلار قوروموندا مستقل بیر یازیچی کیمی نه‌لر ائده بیلجه‌بیمی و بو قورومون بیزیم شرط‌لرده چالیشان یازیچی‌لار و صنعتچی‌لره نئجه یاردیم ائده‌جه‌یینی بیلمک ایسترم.
رقیه کبیری
۶ نوامبر، ۲۰۲۳
۱۵ آبان،۱۴۰۲
۶ نوامبر، ۲۰۲۳
۱۵ آبان،۱۴۰۲
