آلتی بهایی وطنداشین محکمه‌سی گلن هفته کئچیریله جک
تهراندا یاشایان سعیده خضوعی، ارسلان یزدانی، سمیرا ابراهیمی، صبا سفیدی، پدرام عبهر و ایرج شکور آدلی آلتی بهایی وطنداشین محکمه تاریخی و شؤبه‌سی آچیقلانیب.
یاییملانان بیلدیریشه اساساً، بو آلتی بهایی وطنداشین پرونده‌سی اوره محکمه ۱۷ مرداد ۱۴۰۲-جی ایل چارشنبه آخشامی گونو تهران اینقیلاب محکمه‌‌سی‌نین ۲۹ سایلی شؤبه‌سینده حاکم مظلومون باشقانلیغی ایله کئچیریله‌جک.
قئید ائدک کی، ارسلان یزدانی و حیات یولداشی سمیرا ابراهیمی رژیمه قارشی اولان قروپلارا عضو اولماقدا (بهایی ایجماسینا عضولوک نظرده توتولور)، ایسلاما ضد آزغین تبلیغات و یؤنلندیرمه فعالیتینده، مئدیا فعالیتلری و تبلیغات ایشلری ایله باغلی اتهاملارلا اوزلشیرلر.
صبا سفیدی، پدرام عبهر و سعیده خضوعی رژیمه قارشی تبلیغات و رژیمه قارشی اولان قروپلارا عضو اولماقدا (بهایی ایجماسینا عضولوک نظرده توتولور) اتهام اولونورلار.
ایریجا بو پرونده‌ده ایرج شکور آدلی ۶-جی شخص رژیمه قارشی تبلیغات، ایسلام جمهورییتی رژیمینه قارشی توپلاشماق و درسلر کئچیرمکله بهایی تشکیلاتی‌نین تبلیغاتی کیمی اتهاملار ایله اوز اوزه‌دیر.
#دینی_آزلیقلار
