ژورنالیست لره قارشی تضییقلرین داوام ائتمه‌سی ؛ نازیلا معروفیان ایشدن چیخاریلیب
مهسا امینی‌نین آتاسییندان موصاحیبه آلدیقدان سونرا حبس ائدیلن ژورنالیست “نازیلا معروفیان” ایش یئریندن “قووولدوغونو” آچیقلاییب.
داها اؤنجه توییتر صفحه‌سینده چئویک قوه‌لرین تئاتر شهرده تحقیرآمیز داورانیشی حاقیندا یازان خانیم معروفیان بو گون سایغیلی بیر شکیلده ایش یئریندن قووولدوم یازیب. بو ژورنالیست ۲۲ خرداد گونو توییترده پولیس مامورونون اونا جینسی تاجیزی ایله باغلی خبر وئرمیشدی.
او یازمیشدی: تئاترشهرده‌کی چئویک قوه مامورو منه نئجه گئیمدی دئدی؟ طبیعی کی، روسپی اولدوغونوز اوچون بئله گئیینیرسینیز.
بو ژورنالیست عینی توییتینده دئییب: منجه، حقیقتی سؤیله‌مک هر شئیدن، حتی نیین باهاسینا اولورسا اولسون حیاتدان داها قیمتلیدیر، ان آزی منیم اوچون.
خانیم معروفیان شهریورین سونوندا مهسا امینی‌نین قتلینی ایشیقلاندیردیغینا گؤره حبس ائدیلن ژورنالیستلر آراسیندا اولوب و اونلارا قارشی محکمه پرونده‌سی آچیلیب. او، داها اؤنجه توییتلرینده گوونلیک اورقانلارینا ائتدیکلری تهدیدلره گؤره اعتراض ائتمیشدی. خانیم معروفیاندان اؤنجه ده نیلوفر حامدی و الهه محمدی، مهسانین خبرلرینی ایشیقلاندیردیقلارینا گؤره حبس ائدیلمیشدیلر و اونلار جدی اتهاملارلا اوزلشیبلر و هله ده حبسده‌دیرلر.
ایسلام جمهورییتی اخلاق پولیسی نظارتینده اولان مهسا امینی‌نین قتلیندن و عومومی اعتراضلارین باشلاماسیندان سونرا بیر چوخ ژورنالیستی حبس و موحاکیمه ائدیب. بو سورج اینسان حاقلاری و اولوسلارآراسی قوروملارین گئنیش تنقیدینه سبب اولوب.
#عومومی_اعتراضلار #نازیلا_معروفیان
