حیجابسیزلیغا گؤره؛ ایسلام رژیمی کافرین بوغازینی باغلادی
ایلام ایالتی‌نین بدره شهری‌نین فرمانداری بو شهرده‌کی کافرین بوغازی‌نین باغلانماسینا امر وئریب و بونون سببینی توریستلر طرفیندن حجابسیزلیق اولدوغونو آچیقلاییب.
فارس خبر آژانسی‌نین ۱۷ اردیبهشتده وئردیگی بیلگیلره گؤره، بدره شهری‌نین فرمانداری یاسر علیزاده بیلدیریب کی، کافرین بوغازیندا بعضی توریستلر طرفیندن ایسلامی حجابین رعایت ائدیلمه‌مه‌سی سببیندن بو توریزم بؤلگه‌سینه سفرلر گله‌جک بیلدیریشه قدر باغلاندی.
بو باره‌ده ایلام ایالتی‌نین یئرلی یئتکیلیسی بیلدیریب کی، سون دؤورلر بعضی حجابسیز توریستلرین گلیشی ایله بو بؤلگه‌نین دوغما و اوریژینال مدنيتی دقتدن کناردا قالیب.
یئرلی وطنداشلار اوچون توریزم یئرلری‌نین باغلانماسی‌نین اقتصادی نتیجه‌لریندن آسیلی اولمایاراق، علیزاده بیلدیریب کی، بو بوغاز یالنیز محدود سایدا اینسان اوچون مؤوسومی چالیشما اولاناغی یارادیب.
ایران ایسلام جمهورییتی حؤکومتی سون هفته‌لرده مجبوری حجابی تطبیق ائتمک مقصدی ایله ایرانلی قادین و قیزلارا قارشی کوتلوی کامپانییایا باشلاییب و بو کامپانییا زامانی مجبوری حجابا قارشی چیخان قادینلارین اولماسی سببیندن یوزلرله اینسانین دا ایش یئری باغلانیب.
ایران وطنداشلاری‌نین هاوا سفرلری ایرانین محکمه اورقانلاری‌نین موداخیله‌سیندن اوزاق قالماییب و دونن محمدجعفر منتظری و اوچاقلاردا حجاب تاخمایان قادینلارلا مشغول اولماغی ایسته‌ییب.
بو بیلدیریشده او، اوچاغین پیلوتونو محکمه ایشچیسی کیمی گؤستریب و دئییب کی، جینایت تعقیبی، ساخلاما و ایلکین آراشدیرمالار آپارماغا یوکوملودور.
محمدجعفر منتظری بو مکتوبدا دئییب: تأسف کی، حجابین توپلومسال یئرلرده آچیلماسی مسئله‌‌سی آرتیق بیر مدتدیر کی، آز سایدا قادینلار آراسیندا اؤزه چیخیب و معتبر بیلگیلره گؤره، ایسلام جمهورییتی‌نین بدخاهلاری و موقدس قورولوشونون علیه‌دارلاری اونو تبلیغ ائتمیی پلانلاشدیریرلار و قرانین حجاب قونوسونداکی امرینی یوخا سایاراق تحقیر ائدیب و بو منکری اؤزه چیخاردیر.
عدليه باش ساوجیسی بو مکتوبدا پیلوتلاردان مجبوری حجابا قارشی اولان قادینلاری موشاهیده ائتمیی، ایلک اولاراق بئله شخصلره جدی خبردارلیق ائتمیی، دقت ائتمه‌دیکلری تقدیرده “لازیمی تدبیر” گؤرولمه‌سینی ایسته‌ییب.
#مجبوری_حجاب #قادینلار
