اهوازدا قادین جینایتی‌نین یئنی آیرینتیلاری؛ قاتیلین و قوربانلارین یاخینلارینین حیرته دوشمه‌سی
۹ بهمن ۱۴۰۱-جی ایل بازار گونو سحر ساعتلاریندا “زهره (نیلا) لندی” آدلی گنج میک‌آپ آرتیستی حیات یولداشی طرفیندن کلت تاپانچاسی ایله اؤلدورولوب.
زهره لندی ایکی آی اؤنجه اهوازین تانینمیش وچود گلیشتیرمه و پاورلیفتینگ ایدمانچیلاریندان بیری علیرضا خواجوی ایله عائله حیاتی قوروب.
علیرضا خواجوی حیات یولداشی ایله قوهوملوغو وار.
الده ائدیلن بیلگیلره گؤره، ۹ بهمن ۱۴۰۱-جی ایل بازار ائرته‌سی سحر ساعت ۸:۳۰ جیواریندا علیرضا خواجوی اؤنجه حیات یولداشی زهره‌نی اؤز ائوینده اؤلدوروب، سونرا ایسه حیات یولداشی‌نین آناسی‌نین ائوینه گئدیب.
بو تانینمیش ایدمانچی قایناقلاری بللی اولمایان موباحیثه‌دن سونرا حیات یولداشی‌نین کیچیک قارداشی یحیی لندی‌نی اؤلدوروب و او، اؤز ائوینه قاییداراق اؤزونو ده اؤلدوروب.
زهره و یحیی لندی علی لندی‌نین بیبیسی و عمیسی ایدی. او ۱۴۰۰-جو ایلین شهریور آییندا قونشونون ائوینده باش وئرن یانغیندان سونرا یاشلی قادین و قیزی‌نین حیاتینی خلاص ائتمک اوچون یانغینا گیرن ایذه‌لی ۱۵ یاشلی یئنی‌یئتمه ایدی کی، آلدیغی یارالاردان اؤتورو دونیاسینی ديیشیب.
بیلگیلی بیر قایناق ایران وایره دئییب: بیز بونون باش وئردیگینه اینانا بیلمیریک. زهره ایله علیرضا بیر-بیرلرینی چوخ سئویردیلر. ایکی آی اؤنجه موخالیفته رغماً سئوگی ایله عائله قوروبلار. بو، سحر ساعت ۸:۳۰-دا باش وئردی، حال‌بوکی نیلانین سون واتساپ حکایه‌‌سی اونون علی ایله سحر ایدمانینی سحر ساعت ۷-ده ائتدیگینی گؤستریر. “هئچ کیم نه باش وئردیگینی بیلمیر و هامیمیز شوکداییق.”
