سمانه بابازاده اؤلکه‌دن چیخیش قاداغاسی، جریمه و موبیل تلفون موصادیرهسینه محکوم ائدیلیب
آذربایجانلی صنعتچی و آکتور سمانه بابازاده یوز میلیون ریال جریمه، ۱۰ ایل اؤلکه‌دن چیخیش قاداغاسی و موبیل تلفونونون موصادیرهسینه محکوم ائدیلیب.
دونن، ۲۶ دی ۱۴۰۱-جی ایل بازار ائرته‌سی تبریزده کئچیریلن تئمییز محکمه‌‌سینده بو آذربایجانلی صنعتچی یوز میلیون ریال جریمه، اون ایل اؤلکه‌دن چیخیش قاداغاسی و موبیل تلفونونون موصادیره ائدیلمه‌سینه محکوم ائدیلیب.
سمانه بابازاده بو ایل ۲۲ آبان بازار گونو تبریزده دیگر ۱۰ اعتراضچی ایله بیرلیکده حبس ائدیله‌رک تبریز مرکزی حبس‌خاناسینا کؤچورولوب.
آیریجا ۱ آذر ۱۴۰۱-ده محکمه‌یه قدر گیروو قارشیلیغیندا تبریز مرکزی حبس‌خاناسیندان سربست بوراخیلدی.
قئید ائدک کی، ایراندا سیاسی محبوسلارین اؤلکه‌دن چیخیشینا قاداغا قویولماسی ایله باغلی قرار بیر چوخ تنقیدلرله اوزلشدیگی حالدا محکمه‌لر طرفیندن وئریلیر. چوخلاری ایراندا قالماغین و یاشاماغی محکمه طرفیندن جزا کیمی قیمتلندیریلدیگینی دئییر.
#عومومی_اعتراضلار #محبوسلار
