فرناز علیزاده گلنبر تبریز شهرینده حبس ائدیلیب
فرناز علیزاده گلنبر ۲۸ آذر ۱۴۰۱-ده تبریزده گوونلیک گوجلری طرفیندن حبس ائدیلیب.
ارک اینسان حاقلاری جمعيتی‌نین تلگرام کانالی‌نین یایدیغی بیلگیلره گؤره، اونون اتهامی و کؤچورولمه یئری بللی دئییل.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
سون اعتراضلاردا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.
حبس اولونان اعتراضچیلارین دورومو و آدلاری حاقیندا دقیق بیلگی یوخدور و اونلارین ساغلاملیق دورومو توپلومدا ناراحاتلیق یارادیب.
#عومومی_اعتراضلار
