ایران دا، رژیمین اوشاقلاری اؤلدورمک له ایلگیلی یونیسفه آچیق مکتوب
آچیق مکتوب!
ایران رژیمی‌نین علیهینه، وحشیجه اوشاقلاری اؤلدوروب اعدام ائتمه‌سی‌نی انگله‌مگه گؤره ، تزلیکله ایشلر گؤرولمه‌لیدیر.
بیرلشمیش تشکیلاتلار، یونیسف، بین‌الخالق عفو و ایراندا اینسان حاقلارینا اهمیت وئرن بوتون تشکیلاتلارا:
سایین بیگلر و خانیملار
بیز، ایران دا اولان قادین و اینسان حاقلاری‌نین مودافعه‌چیلری، سیزه مکتوب یازیریق کی، بوتون الده اولان ایمکانلارینیزلا موداخیله ائدیب، ایسلامی رژیم‌دن ایستیه‌سینیز، سوچسوز خالقین اؤلدورمه‌سیندن ال چکیب و اوشاقلاریمیزین اعدامی‌نین قاباغینی آلسین لار.
بیز، مدنی اعتراضلاری وحشیجه اؤلدورمه‌سیندن و هر گون اوشاقلاریمیزی اعدام ائتمه‌سیندن چوخ آغری- آجی چکیریک.
بوایل شهریوین ۲۵-ده مهسا امینی‌نین آجیناجاقلی اؤلوموندن سونرا، ایراندا اعتراضلار باشلانماسیلا، ایران حاکمیتی گئنیش شکیلده وحشیجه شیددت قوللانیب، اعتراضا چیخانلاری هده‌لییبدیر.
یوزلرجه اینسان اؤلوب، ۱۵۰۰۰میندن چوخ اینسان توتوقلانیبدیر.
ان آزی ۲۱- نفر اعدام حؤکموایله اوز- اوزه و ۶- نفر اعداما محکوم اولوبلار..
چرشنبه گونو آبان آیی‌نین دوققوزوندا معترضلرین ۱۵ نفری، بیر بسیجی‌نین قتل باهاناسیلا، البرز انقلاب محکمه‌سین‌ده، “محاربه” و ” فساد فی‌العرض” سوچلاماسیلا، قانون دیشیندا محاکمه اولدولار.
۱۵- نفردن، ان آزی اوچ یئنی‌یئتمه وار کی، ایرانین” انقلاب محکمه”
سینده( بو محکمه‌لردن سوچلولارین وکیل سئچمه‌حاقلارینی دانماق و دولت طرفیندن وکیل آلماق زوروندا قالماقدا بلگه‌سل فاکتلار وار) ائله بیر سوچلامالارلا قارشیدیلار کی، اعدام جزاسی آلا بیلرلر.
ایندی بلو چستان استانی‌نین زاهدان شهرینده ۱۵- یاشیندا یئنی‌یئتمه و ۱۶- یاشیندا بیر قارداشی یئرسیز سوچلاما ایله، اعدام حؤکمویله اوز- اوزه‌دیرلر.
هابئله خوراسان رضوی استانی‌نین مشهد شهرینده ۱۷- یاشیندا بیر جاوان اعداما محکوم اولوبدور.
کئچن اعتراضلاردا ایران قووه‌لری، ۶۸ اوشاغی باتوم و ایستی سیلاحلارلا چوخ اورک یاندیریجی شکیلده اؤلدوروب، بینالارین اوستوندن یئره توللایبلار.
اونلار یوزلرجه اوشاغی یارالایب، اونلارجا اوشاغی، گوله ایله کور ائدیبلر.
یوزلرجه اویرنجی آغیر دورومدا اوغورلانیب، زیندانلاردا گیرو ساخلانیبلار.
بیز بوتون دئ
دؤلتلردن، بیرلشمیش تشکیلاتین قوللاریندان و اینسان حاقلارینی مودافعه‌ائدنلر کی اوشاق حاقلارینی اؤنمسه‌ییرلر و اؤز اینسانی حاقلارینی الده ائتمک اوچون موباریزه ائدن ایران خالقلارینی دستکله‌ییرلر، ایستییریک:
ایراندا اوشاقلار و اعتراض ائدنلردن حمایت اوچون تعجیلی ایشلر گؤرسونلر.
دونیادا اولان بوتون دئولت باشچیلاری، بیرلشمیش تشکیلاتی‌نین اورگانلاریندان ریجا ائدیریک، ایسلام جمهوری سینین باشچیلارینا شیدتله اویاری وئره‌لر کی، اعتراض‌ائدنلره وئریلن هر تورلو اعدام حؤکمو ، شیدتلی و قالیجی سونوجو اولاجاقدیر.
حؤرمتله:
ایران تورک قادینلار مرکزی
ایران کورستان قادینلار مرکزی
بلوچستان قادینلار‌نین سسی(برمش)
اعدام علیهینه بین‌الخالق کومیته(ICAF)
اوشاقلار بیرینجیدیر(CFN)
کئچیجی مدیریت شوراسی جینسی برابرلیک کمیته‌سی (ITC)
ایرانین میللی بیرلیگی قادین شوراسی‌نین کمیته‌سی-تصمیم
پرستو فاطمی- اینسان حاقلاری مودافیعه‌چیسی
