ایران تورک قادینلار مرکزی نین ۲۵ نوامبر بین الخالق قادینا قارشی زوراکیلیغا دایانیشما گونو مناسیبت ایله بیاناتی
بو ایل- ۲۰۲۲ -ایراندا، قادینلار، بیرینجی فمنیستی انقلابینین میدالی اللرینده، ۲۵ نوامبر بین الخالق قادینا قارشی زوراکیلیغا دایانیشما گونونو قارشیلاماغا حاضیرلانیرلار.
ایکی آیدان آرتیقدیر ایرانین بوتون شهرلر و خیابانلاری، یوز فاییزدان چوخ قادینلار ، یئنی یئتمه لر، اویرتمنلردن اولوشان قانلی اعتراضلارا شاهیددیر.
دونیادا اینسانلار تعجب و آلقیش دولو گؤزله، قادینلارین جسارت و قورخمامازلیغینا باخیرلار.
سیاستچی تحلیلچیلر، بو ایشلری آنالیز ائتمکده عاجیز قالیبلار. اونلار دئییرلر: هانکی گوج و انرژی بو قادینلاری انقلابا و کؤکدن دئیشیکلیک یارادماغا خیابانلارا چکیب؟
قادینلار عصیرلردی ایکینجی جینس کیمی، سیتملره معروض قالیبلار. ایش ائله اولوب کی، قادینا قارشی اولان ان کیچک قانونو نقض ائتمک بئله، یاشام سمبولو، یعنی جانلارینی الدن وئریرلر. بو دهشتلی دورومدا ظولمون آلتیندا دایانماق مومکون دئییل .
بلی! مهسا امینی تکجه زوراکی اؤرتویو پوزماغا گؤره، جاوان و شیرین جانینی الدن وئردی.
حدیث نجفی سوسیال مئدیادا بیر ویدئو پایلاشیب، آلتی گولله یه قوجاق آچیب، دئدی: “بو حؤکومت دن سونرا، یاخشی گلجکده منیمده بیر پاییم اولسون و اؤزومه فخر ائدیم , بوش الیمله پاییم اولسون” دئدی.
قادینلار باغیردیلار، ساچلارینی کسدیلر: بویورون بو سیزین اولسون، هر نه ایله اؤرتورسونوز، اؤرتون، دئدیلر.
بو شجاعتلی حرکت ایران قادینلارینا دردداشیلیق و دیلداشلیق سیمبولو اولدو.
دونیانین دؤرد بوجاغیندان، مینلرجه تانینمیش، تانینمامیش، هنرمند، یازار، سیاستچی، ائوقادینی … ساچلارینی کسیب ویدئولارینی سوسیال مئدیالاردا پایلاشدیلار.
قادینلارین دونیا سویه سینده باجیلیغلارینی بئله لیکله سیمبولیزه ائدیب، ایران قادینلارینین گوج و انرژیسینی آرتیردیلار.
اصلینده، اونلار تکجه جینسی آیری سئچگیلیگه گؤره میدانا گلمه دیلر، اوسته لیک حؤکومتی دئییشدیرمک، و بیر سیستمین اوزه گلمه سینی ایستییرلر کی اوردا جنسیتی، دینی، میللییتی، صینفی، آیری سئچکیلیک اولماسین و عینی زاماندا ال.جی.بی.تی گوروهلاردان حمایت اولسون.
اونلار میدانا گلیب باغیردیلار:
قادین، یاشام، آزادلیق!
قادینلار خالقلارا اولان سیتمی گؤرستسینلر دیه، بو شعاری هامی اؤز دیلینده ایرانین موختلیف ایالتلرینده تکرار ائتدیلر.
بیز تورک قادینلاری ایسه ایرانین باشا-باشیندا قاشقایی لرین شهرلریندن توتون، خوراسانا دک، باتی و دوغو آذربایجاندان، زنجان، همدان، اردبیل،… مرکزی استانلار، تهرانا کیمی، ایچری و ائشیک ده، باغیردیق:
قادین، یاشام، آزادلیق!
هابئله
آزادلیق، اجتماعی عدالت و سکولار دموکراتیک میللی حؤکومت( کی اونسوز هئچ بیر آیری سئچکیلیک و ظولمون آران گئتمه سیندن دانیشماق اولماز) شوعارینی چیگین- چیگینه وئرمکده ییک.
چوخ آیدین دیر کی بو رژیم یئنیلمگه محکومدور. آنجاق بیز قادینلارین ایشی بوردان باشلانیر. چونکو تجربه لر گؤرسدیب هر دیکتاتور ییخیلدیغدان سونرا، چوخ چکمه دن باشقا بیر دیکتاتور ایش اوسته گلیب کی، ایلک گونلر آلدادیجی آزادلیق شعاری وئریبدیر.
بیز قادینلار که جینسی سیتملردن باشقا نئچه قات ظولوملره معروض قالمیشیق، آییق اولمالییق و هئچ بیر قودرته ایجازه وئرممه لییک، بیزی آتا ارکیل شیددتلری تکرار تجربه ائتممیز، او آجی تاریخه قایتارسین.
محو السون بوتون چوخ قاتمانلی شیدتلر: روانی، جنسییتی، اکونومی، فیزیکی، سؤزلو، قانونلاردا اولان قادین علیهینه بوتون قانونلار( جینسی آپارتاید)
وار اولسون ایراندا عدالت پرور سیستم
ایران تورک قادینلار مرکزی
۲۴ نوامبر۲۰۲۲
