مهناز محمدی تهرانداکی آکسیالاردا توتولدوقدان بر نئچه ساعات سونرا سربست بیراخیلدی
۲۸ شهریور آخشام ساعتلاریندا تهران اهالیسی‌نین حجاب کوچه‌سینده کئچیریلن اعتراض توپلانتیسیندا حبس ائدیلن بلگه‌سل فیلم یؤنتمنی و قادین حوقوقلاری ساوونوجوسو مهناز محمدی بیر نئچه ساعتدان سونرا سربست بوراخیلیب.
گوونلیک گوجلری اونو بیر قروپ اعتراضچی وطنداشلا بیرلیکده حبس ائدیبلر.
بازار ائرته‌سی، ۲۸ شهریورده، وزرا تجرید‌خاناسیندا ایکی ساعت ساخلاندیقدان سونرا کومایا دوشن و اوچ گون سونرا دونیاسینی ديیشن ۲۲ یاشلی سقزلی مهسا امینی‌نین اؤلدورولمه‌سینه اعتراض اولاراق توپلانتی کئچیریلیب.
مهسا ارشاد دئوریه‌سی طرفیندن حبس ائدیلیب. بازار ائرته‌سی کوردوستانین چئشیدلی شهرلرینده چوخلو اعتراض آکسییالاری کئچیریلیب.
بو توپلانتیلارلا عینی واختدا تهراندا، حجاب کوچه‌سینده و ولیعصر مئیدانیندا وطنداشلارین کوتلوی حبسلری ایله موشایعت اولونان اعتراض آکسیالاری کئچیریلیب.
#ایران_خبرلری #مهسا_امینی #عومومی_اعتراضلار
