المپیک کمیته سی‌نین اخلاق کمیسیونو؛ قادینلارین استادیوملاردا اولماسی توپلومو اینجیدیب
سون هفته‌لر ایچینده و دونیا فوتبول فدراسیونونون ایرانا تضییقی ایله استقلال و پرسپولیسین بعضی اویونلاریندا بو ایکی کوماندانین قادین تاماشاچیلاری یالنیز آزادی استادیومونا گیره بیلیب.
ایندی ایران المپیک کمیته‌سی‌نین اخلاق کمیسیونو کاتیبی مجتبی قاسمی‌نین ایمضاسی ایله فوتبول فدراسیونونا مکتوب گؤندریلیب و اورادا یازیلیب: پرئمیئر لیگادا قادینلارین اولماسی ایله باغلی بعضی گؤرونتولرین یاییملانماسی بیر سیرا تاماشاچیلار طرفیندن معنوی ديرلره ضد نورما و داورانیشلارین پوزولماسینی گؤستریر و بو، اؤلکه‌نین اخلاقلی توپلوموندا ناراحاتلیق یارادیب.
بو مکتوبدا قادینلارین استادیوملاردا اولماسی‌نین توپلومون هانسی حیصهسینده ناراحاتلیق یاراتدیغی گؤستریلمه‌ییب. مجتبی قاسمی بو مکتوبون باشقا بیر حیصهسینده یازیر: اولوسلارآراسی تعهدلار و توپلومون طلبلرینه جاواب وئرمک ضرورتینی درک ائتمکله یاناشی، استادیوملاردا تاماشاچیلارین اولماسینی دوزگون ایداره ائتمک، مدنيته ضد اولان نورما و داورانیشلارا ایسه عایدیییاتی رهبرلرین مسوولیت داشیماسی اوچون لازیمی تدبیرلرین گؤروله‌جیی گؤزله‌نیلیر و معنوی ديرلر اله آلیناجاق.
بو کمیسیونون کاتیبی مهدی تاج‌دان توپلومون مدنی نورمالاری و قبول ائدیلمیش معنوی ديرلر آدلاندیردیغی شئیی دونیا فوتبول فدراسیونونون استاندارتلارینا اویغونلاشدیرماغی و سونرا قرار وئرمه‌سینی خواهش ائدیب.
میلی المپیک کومیته‌سی‌نین رئیسی ایسلام جمهورییتی‌نین لیدری آیت الله علی خامنه‌ای‌‌نین کئچمیش موحافیظه‌‌‌چیسی محمود خسروی‌وفادیر.
#ایدمان #قادینلار
