یئنی دوغان بیر کورپه زیبیل قوتوسونون یانیندا تاپیلیب
مهرین موخبیری‌نین وئردیگی بیلگیلره گؤره، بو کؤرپه اوشاق والیدئینلری طرفیندن زیبیل قوتوسونون یانیندا بوراخیلیب.
مهر یازیب کی، اورژانس تکنسینلری ایشچیلری بو کؤرپه‌نی افسریه محله‌‌‌سینده، ۱۵ متر کوچه‌سینده، ۲۹ کوچه‌سی‌نین کونجونده زیبیل قوتوسونون یانیندا تاپیبلار.
تعجیلی یاردیم ایشچیلری کؤرپه‌نی فیروزگر خسته‌خاناسینا کؤچوروبلر.
ایراندا آتیلمیش کؤرپه‌لر مسئله‌‌سی آجینیجاقلی حده چاتیب و اوزمانلار بونا سبب کیمی عائله‌‌‌لرین یوخسوللوغونو و آجیناجاقلی اقتصادی وضعيتی حساب ائدیرلر.
بو ایل خرداد آیینین باشیندا ایرانین ساغلاملیغین گلیشمه‌سی اوزره علمی بیرلیگین عضوو شوکئدیجی ایستاتیستیکا تقدیم ائده‌رک بیلدیریب کی، سون ۱۰ گونده ایراندا ۵ مین کؤرپه ترک ائدیلیب.
جومه گونو، ۶ خرداددا دوکتور محمدرضا محبوب‌فر جامعه ۲۴ سایتینا بیلدیریب کی، بو ایستاتیستیکا ساغلیق مرکزلری و سوسیال ایشچیلر واسطه‌‌‌سیله اونون دقتینه چاتدیریلیب.
#ایران_خبرلری #اوشاق_حوقوقلاری
