گنج قادین ناموس مسئله سیندن دولایی قتل ائدیلدی
بو بیلگیلی شخصین سؤزلرینه گؤره، آنیتا خردمند ۵ یاشلی اوشاق آناسیدیر و او، بیر آی اؤنجه حیات یولداشی ایله موباحیثه نه‌دنی ایله آتاسی‌نین ائوینه گلیب.
بو بیلگیلی شخص آنیتا خردمندین اؤلومونون آیرینتیلاری حاقیندا بئله دئییر: آنیتا سککیز ایل اؤنجه ائولندی. حیات یولداشی سون درجه قلبی قره و شوبهه‌لی ایدی. آنیتا هر دفعه ائودن ائشییه چیخاندا اونو هر جور بؤهتان و کوبود سؤزلرله دؤیوردو. اونا یاراشمایان موناسیبتلر یارادیردی و آنیتا بیر مدت آتاسی‌نین ائوینده قالدیقدان سونرا هر دفعه حیات یولداشی‌نین سؤزلریندن عصبلشیب گئری قاییدیردی. بو ۸ ایلده او قدر اذيت چکدی کی، بعضاً عصبیلشیب ائویندن چیخاندا دئییردی کی، قاییتماق ایسته‌ییرمسه، منی باغلایین و بوراخمایین.
بو بیلگیلی شخصین سؤزلرینه گؤره، آنیتا خردمند بیر آی اؤنجه حیات یولداشیندان آیریلماق اوچون جدی آددیملار آتیب و وکیلین یاردیمی ایله آیریلماسی اوزرینده ایشله‌ییردی: آنیتانین آتاسی اونون طرفداری ایدی. حیات یولداشی‌نین آنیتانین عائله‌‌‌سی ایله دوشمنچیلیگی‌نین سببلریندن بیری ده آیریلیقدا اونا هر زامان دستک اولمالاری اولوب. ۳۱ تیرده گئجه او، عائله عضولری ایله قوهوملاریندان بیری‌نین توی مراسیمینه گئتمه‌لی ایدی. گئیینیب حاضرلاشدی، اوغلونو حیات یولداشینا تحویل وئره‌جه‌یینی، مراسیمه اؤزو گله‌جه‌یینی دئدی، آنجاق بیر داها اوندان خبر اولمادی.
گنبدکاووس‌دا ایکی بیلگیلی وطنداشین سؤزلرینه گؤره، میکاییل.ر آدلی گوناهکار ایمکانلی آدام اولوب، قارداشی و ایکی دوستونون یاردیمی ایله اؤنجه آنیتانی شدتله دؤیوب، سونرا ایسه گولـله‌ییب اؤلدوروب.
ایران‌وایره دانیشان بیلگیلی قایناق دئییر: آنیتانین عائله‌‌‌سی اونون حیات یولداشی ایله یئنیدن باریشدیغینی دوشونوب کی، تویا گئتمه‌ییب، آنجاق ایکی گون کئچدیکدن سونرا اوندان خبر اولمایاندا و تلفونلارا جاواب وئرمه‌ینده وکیلینه بیلگی وئریبلر و او، ایتکین دوشدویونو بیلدیریب. نهایت، ۶ مرداد دا آزادشهرین جینایت پولیسینه بیر یئرده تاپیلان میتین تانینماسی باره‌ده بیلگی وئریلدی و اونلار بدنه دين ضرره گؤره آنیتانی اونون پالتاریندان تانیدیلار.
ایران‌وایرن آلدیغی بیلگیلره گؤره، بو قتلده ایشتیراک ائدنلردن اوچو حاضردا حبسده‌دیر.
#ایران_خبرلری #قادینلار #قادین_حوقوقلاری
