عزیز اوستادیم “نیگار خیاوی”‌یه و “اورمو گؤلو یارامیزا”

آه… ائلیمین شیرین دیللی قیزی
نئجه‌دیر تبریزین گئجه‌لری؟
اورمو گؤلونون شور قاراسی باسیرمی تبریزی؟!
یوخولاریندا نئچه قاغایی دوزلاغا باسدیریلیر؟!
نئچه گمی دوزدا بوغولور؟!
گؤزلرینین یاشیل ایشیغینی مایاک گؤندر گؤزل گؤزلوم
ایتمه‌سین آوارا قوشلار
آخی درد هایاندان گلرسه بیزی توشلار
آخی بورا گؤز ایشلدیکجه دوز قاری یاغیب
گؤز قاماشیر
قوشلار چاشیر!!
آااخ…چاشمیشام من ده دییه‌سن
باشیمی ایتیرمیشم باشسیزلار بازاریندا
دوشموشم عارسیزلیق آزارینا
باش قوروماق، منیّته
دئدییین “ساری امنیّته”
یامان دوزسوزلامیشام
منی اورمونون ییرمی‌بیر نومره‌لی دوزلاغیندا باسدیرین!!
#سحر_خیاوی
@sahar_xiyavi