تورکجه طنز (شیما و نیما) کاسه ی صبر
بو ملتین دردی قوتولمور نیه
کاسه عجب کاسه دی دولمور نیه
شیرین محبتله دولوب داشاردیق
رقص ائله ییب ماهنی دئییب قوشاردیق
آلتی یوز ایل قاباق بورادا یاشاردیق
بس یاشاماق ایندیلر اولمور نیه
کاسه عجب کاسه دی دولمور نیه
بیزیم زامان هر نمنه دوزیدی
شهرلر آرامیدی سس سیزیدی
تبریز اوندا لاب بئله تبریزیدی
تبریزین هئچ تبریزی قالمیر نیه
کاسه عجب کاسه دی دولمور نیه
توزدو هاوا گؤز آجیشیر باتدی سس
یوخدو هاوا یوخدو چکک بیر نفس
بولبوله ایندی باغ دا اولموش قفس
بیر بئله غم غوصه ده اؤلمور نیه
کاسه عجب کاسه دی دولمور نیه
یوخویدو باشدان ییخیلان دام دووار
یوخویدو یولدان قیریلان بیر قاطار
ایندی اؤلوم تکجه خبرلرده وار
وای خبری بوردا قوتولمور نیه
کاسه عجب کاسه دی دولمور نیه
بیز یاشادیق بویوک ائوده سارایدا
کیرایه ۱۰ میلیون اولوبدو آیدا
اوشاق یازیق دئییر بو هایدا هایدا
بابام منه چرخ نیه آلمیر نیه
کاسه عجب کاسه دی دولمور نیه
غوصه کدر اوندا دولانمازدی هئچ
گون به گون هرزاد باهالانمازدی هئچ
ایندیکی لر اوندا قالانمازدی هئچ
دئیردیلر بس باها اولمور نیه
کاسه عجب کاسه دی دولمور نیه
