اوشاق حوقوقلاری ساوونجوسو و بهایی وطنداش ثمین احسانی حؤکمونون ایجراسی اوچون ساخلانیلیب
بو بهایی وطنداش ۲۶ مرداد ۱۳۹۰-جی ایلده بعضی پاسپورت مسئله‌‌لرینی حل ائتمک اوچون اوین عدليه‌‌سینه گئتدیکدن سونرا توتولوب و اوین حبس‌خاناسینا کؤچورولوب. او، بیر آیلیق مووقتی حبسدن سونرا ۱۸۵ میلیون تومن گیروو قارشیلیغیندا سربست بوراخیلیب.
ثمین احسانی‌نین محکمه‌‌سی ۱۳۹۱-جی ایلده ۲۰ خرداددا تهران اینقیلاب محکمه‌‌سی‌نین ۲۸-جی شؤبه‌سینده حاکم مقیصه‌نین باشقانلیغی ایله کئچیریلیب. محکمه اونو ایسلام جمهورییتینه قارشی تبلیغات، میلی گوونلیگه قارشی جینایت تؤرتمک اوچون و بهایی اولماغی نظرده توتان بهایی دینینه اینانماق ایله اتهام ائده‌رک ۵ ایل حبس جزاسینا محکوم ائدیب. بو حؤکمو تئمییز محکمه‌‌سی ده قوه‌ده ساخلاییب.
ثمین احسانی ایلک حبسیندن بیر مدت اؤنجه ایراندا ائیتیم آلماق حوقوقوندان محروم ائدیلمیش بیر سیرا افقان اوشاغا ائیتیم کورسلاری کئچمکله یاردیمجی اولوب. بو ائیتیم فعالیتی محکمه‌‌ده اونا قارشی ایره‌لی سورولن اتهاملاردان بیری اولوب.
#ایران_خبرلری #بهایی #دینی_آزلیقلار
