خینا یاخدی
قۏنشو قېزېنا خېنایاخدې توتموشدو صاباحې‌سې گۆن گلین گئده‌جکدی، آنام منه گؤزَل دۏن تیکمیشدی. باشېمې گؤزَل دارادېم آنام سا‌چېمې سونبول سایاق هؤردۆ، بیرلیکده خېنایاخدېیا گئتدیک. قۏناق چۏخو’یدو هامې گلن‌لر آل-ألوان گئیینمیشدیلر. گلین اۆچۆن ده چئشیدلی پای‌لار گتیر‌میشدیلر. آنام دا میس تاباق آلمېشدې، قېراغې دالغالې بیر جۆت ده بۆرۆنج کاسا، گلینین چۏخ خۏشو گلدی منی اؤپۆب دئدی: -بو گؤزَل قېزېن تۏیونا بۏرجوموز اۏلسون آی خالا، پایېن بۏل، پولون برکتلی اۏلسون. آنام: -ساغ اۏل قېزېم ساغ‌لېق’لا ایشله‌ده‌سن. سۏنرا کئچدیک اۏتاغا قۏناق‌لارېن یانېنا. چئشیدلی شیرنی‌لر مئیوه‌لر حاضېرلامېشدېلار. آنامېن یانېندا اۏتورموشدوم. چالقې‌چې‌لار جان إویندن چالېردېلار، اۏخویوردولار، خانېم قاوالې ألینده بئله اۏینادېردې اۏلمایان کیمی. باخماقدان دۏیموردوم شېرنې‌لردن یئییم! قېز-گلین هره بیر هاوا اۏینایېردې بیری دئییردی منه یانېق-کرمی چال، باشقا‌سې سارې گلین هاواسې ایسته‌ییردی چالقې‌چې‌لار دا باش اۆسته دئییب نمری آلېب چالېردېلار. سۏنرا جاوان‌لار أل-أله وئریب گؤزَل یاللې گئتدیلر.
سۏنرا جاوان‌لار أل-أله وئریب گؤزَل یاللې گئتدیلر، بئله گؤڲلۆم ایستیردی من ده یاللې باجارېردېم! سۏنرا گلینی گتیردیلر اۏیناسېن، قایېن‌آناسې چۏخ نَمر وئردی چالقېچې‌لارېن سئوینمه‌ڲیندن بیلدیم، سۏنرا دا گلینین باشېنا پول سپدی شۏکۏلات آتدې منیم یانېما اۆچ شۏکۏلات دۆشدۆ تئز قاپدېم قۏیدوم جیبیمه. سۏنرا گلین اۏینادې، بئله سئویندیم کی آنام شاباش وئردی گلینه آپارام. قۏناق‌لار دا شاباش وئردیلر، یوخو منی گیرله‌میشدی سؤیکَندیم آناما، بیر زامان گؤردۆم آنام چاغېرېر؛ -قېزېم دور گئد‌ک إویمیزه، تۏی قورتولدو دا. اۏ گئجه چۏخ خۏش کئچدی. سَحَر یوخودان دوردوغومدان بری اۏینایان‌لارې دۆشۆنۆردۆم بئله گؤزَل اۏینایېردېلار. آنام چای ایچیردی اۏتوردوم یانېندا. -آی آنا دئییرَم اۏیناماق نئجه یاراندې؟ ایلک اۏینایان کیم ایمیش؟ آنام گۆلۆمسه‌ییب دئدی؛ -اوزون ایل‌لر اؤنجه بایرام آیې‌نېن ایلک گۆن‌لرینده ایکی آداخلې چېخار‌لار چؤله، گئد‌ر‌لر گلین تاباغېن بزه‌مه‌ڲه کروان-قېران چیچک‌لریندن یېغېب گتیرسینلر، کروان-قېران دا قایا‌لېقدا بیتر، دېرماشار‌لار قایانېن دؤشۆنه، چېخار‌لار اۆسته، بیر آز اۏیانا بویانا بۏیلانا، کروان-قېران دا قایا‌لېقدا بیتر، دېرماشار‌لار قایانېن دؤشۆنه، چېخار‌لار اۆسته، بیر آز اۏیانا بویانا بۏیلاناندان سۏنرا کروان-قېرانې تاپارلار، اۏتورار‌لار دینجَلسینلر کی قارا بولود‌لار تۏران‌لېق سایاق کؤچرلر قایالېغا سارې، یاز آستاناسې دېر دا هاوانې بیلمک اۏلماز کی! سرت یئل أسر آردېنجا سولو قار باشلار. اۏغلان دورار تۏنقال قورسون آیاغې ایلیشر داشا اۆزۆ اۆسته گلر یئره، بورنوندان قان آخار اۆستۆ باشې اۏ‌لار تیلېت قان! قېز ألین آیاغېن ایتیرَر بیلمَز نئیله‌سین آنجاق اۏغلانېن بورنونون قانېن کسر‌‌لر آما اۏغلانېن قۏلو ترپنمیردی، سن دئمه قۏلو سېنېب! اۏغلانې سۏیوق تر با‌سار، اۆشۆتمه توتار، بیر یاندان دا هاوا قاران‌لېقلا‌نار، قېزېن ایکی أ‌لی اۏ‌لار بیر باشې ایلاهی من ایندی نئیله‌ییم دورار اۏد یاندېرار هنده‌ورینده اۏلان یاندېراسې هر نه وارېدې گتیرَر قۏیار اۏ‌دا، اۏغلان بیرآز جانې قېزار آما ترپَنمه گۆجۆ یۏخویدو بیرآز کئچر اۏد یاواشېیار، سۏیوق زۏر گلینجه اۏغلان آز قالا حالدان گئدیردی قېز گؤرَر دده وای اۏدون یۏخ، نئینه‌ییم نئینه‌مه‌ڲیم آداخلېم اۆشۆیۆر، باشېندا سارې قېرمېزې شا‌لې وارېمېش . قېز گؤرَر دده وای اۏدون یۏخ، نئینه‌ییم نئینه‌مه‌ڲیم آداخلېم اۆشۆیۆر، باشېندا سارې قېرمېزې شا‌لې وارېمېش اۏنو آ‌لار ألینه باشلار اۏدو یامسېلاماغا گاه أڲیلَر گاه قۏوزانار، هردن آیاغېن چا‌لار هردن سۆرۆیر تام اۏد سایاق! اۏغلان قېزې گؤرَر سانار قۏجامان تۏنقالدې، جانېنا ایستی گلر، اۆشۆمک یادېندان چېخار. کندده گؤرَر‌لر دده وای قار یاغېر آما چیچه‌ڲه گئدن‌لر گلمه‌ییبلر، نئچه جاوان گئد‌ر‌لر اۏنلارې آختارماغا، قایالېغا بیرآز قالا‌ن گؤرَر‌لر قېز جېغاز آتېلېر دۆشۆر، گاه آیاق سۆرۆیۆر هردن بورولور، دئیَرلر آی بالا بو نه‌دی؟ گلین نئیله‌ییر؟ یاخېنلاشاندا قېز اۏنلارې گؤرۆب قاچار قاباق‌لارېنا آی أل مندن أتک سیزدن آداخلېم یارالانېب! دئیَرلر: قۏرخما سیز یوباندېنېز گلدیک سیزی آختاراق. کؤمَک‌لَشر‌لر اۏغلانې گؤتۆرۆب بیرلیکده گلر‌لر إوه، اۏغلانېن قۏلونو باغلایېب راحاتلاداندان سۏنرا سۏروشار‌لار آی قېز هله سن نییه إله‌سی یئریییردین؟ قېز دئیَر هر نه یاندېرمالې تاپدېم قۏیدوم اۏجاغا، اۏدون بیتدیڲینده دوردوم اۏدو یانسېلاماغا بئله‌لیک’له آداخلېم اۏدو دۏغرو سانېب اۆشۆمه‌دی. هامې حئیران قالا‌ر قېزېن یئهامې حئیران قالا‌ر قېزېن یئتنه‌ڲینه! دئیَرلر آی قېز بیر ده یانسېلا گؤرَک، قېز یئنی‌دن اۏدو یانسېلایار. بیتدیڲینده هامې أل چالېب آلقېشلایارلار. بئله‌لېک’له چئشیدلی اۏد‌لارې یانسېلایارلار بیر گۆن قمیش‌لیک اۏدو بیر گۆن گَوَن اۏدو بیر گۆن بایرام تۏنقالې، … اۏندان سۏنرا إل آرا‌سې ایش‌لری یانسېلایارلار بو اۆزۆم درَ‌ر اۏ بوغدا سَرپیب اۏد بیچَر، بیری کئچه تَپَر، بئله‌لیک’له اویناماق إل آرا‌سی یارانار.
“جانای”
