قادین جنایتی سنندج ده بیر قادین قارداشلاری طرفیندن اولدورولدو
اینسان حوقوقلاری تشکیلاتلاری‌نین راپورونا اساساً، ۱۲ آذر جوما گونو آخشام ساعتلاریندا “سحر رضایی” آدلی ۳۳ یاشلی سنندجلی قادین قارداشلاری طرفیندن اؤلدورولوب.
خانیم رضایی سنندج یاخینلیغینداکی باوه‌ریز کندیندندیر و اونون جنازه‌سی شنبه گونو هئچ بیر مراسیم اولمادان همین کندده دفن ائدیلیب.
هنگاوین یازدیغینا گؤره، گنج قادینین حیات یولداشی ایکی ایل اؤنجه حیاتینی ایتیریب و اونون ایکی اؤولادی وار و او، اونلارا دا باخیردی.
خانیم رضایی‌نین قارداشلاری اونو “باشقا شخصله موناسیبتده اولدوغو” اوچون بیچاقلایاراق اؤلدوروبلر و ایندییه‌دک اونلاردان هئچ بیری پولیس طرفیندن حبس ائدیلمه‌ییب.
ایراندا قادینلارا قارشی شدت و جنایت جدی مسئله‌‌دیر، آنجاق حاکیميت و پولیس بونو یئترلی قدر جدییه آلمیر و عائله موناقیشه‌لری بهانه‌سی ایله قادینلارا قارشی شدته محل قویمور.
ایران بیلیم‌یوردلاریندا داها اؤنجه کئچیریلن آنکتده ایرانلی قادینلارین یوزده ۷۷-سی‌نین کرونا دؤورونده عائله ایچی شدت قوربانی اولدوغو بللی اولوب.
#ایران_خبرلری #قادینلار #قادین_حوقوقلاری #قادین_جینایتی
